影片
更多
2010-03-19
39 浏览
有幸去试菜，已经好开心，估不到当晚极为有食神~清宫明火鸡煲翅 鸡汤好浓郁，好够火喉，但一点都唔油，好多翅呀~饮完唔会口干，相信足料…食埋煲汤的鸡，都算滑…系会再食的菜式XO酱碧绿炒双蚌 相比起其他菜式，我觉得一般，蚌都几爽口，口味偏淡 (我个人偏爱xo酱的关系)北方菓木烤纽西兰羊鞍 的确好香，食落个汁都几好(我钟意黑椒)，有食友反映话熟左少少，对我就刚刚好，都几腍。据经理讲，纽西兰羊鞍冇咩膻味ga~ 怕膻味的朋友，呢道菜应该冇问题古法扣五头鲍 好幸运地，我被抽中食南非特级鲍，其他食友亦都升级左食三头鲍。我冇食到三头鲍，无从比较，但我食落味道就好浓郁，煮得好入味，好烟韧同甜，食完口腔都仍留香，茨汁好浓味但唔会过咸。配上食店特制的果汁，食之前清一清口腔，食既时候更食到个茨汁的味。我自己好钟意佢既果汁，酸酸甜甜。系个人觉得最好味既菜式。头抽生煎海花竹虾 经理话虾壳都食得，我都试左少少，个汁好好味，唔知系咪净系头抽？虾肉唔「梅」，食得出系新鲜，不过略赚熟左d福禄临门沙巴老虎斑 鱼都算滑，几鲜甜，个豉油刚刚好，用黎吊味好正，我钟意食鱼，觉得几好味~黄金脆皮文昌鸡 鸡好滑，亦都好够味，不过我唔食
清宫明火鸡煲翅 鸡汤好浓郁，好够火喉，但一点都唔油，好多翅呀~饮完唔会口干，相信足料…食埋煲汤的鸡，都算滑…系会再食的菜式
XO酱碧绿炒双蚌 相比起其他菜式，我觉得一般，蚌都几爽口，口味偏淡 (我个人偏爱xo酱的关系)
北方菓木烤纽西兰羊鞍 的确好香，食落个汁都几好(我钟意黑椒)，有食友反映话熟左少少，对我就刚刚好，都几腍。据经理讲，纽西兰羊鞍冇咩膻味ga~ 怕膻味的朋友，呢道菜应该冇问题
古法扣五头鲍 好幸运地，我被抽中食南非特级鲍，其他食友亦都升级左食三头鲍。我冇食到三头鲍，无从比较，但我食落味道就好浓郁，煮得好入味，好烟韧同甜，食完口腔都仍留香，茨汁好浓味但唔会过咸。配上食店特制的果汁，食之前清一清口腔，食既时候更食到个茨汁的味。我自己好钟意佢既果汁，酸酸甜甜。系个人觉得最好味既菜式。
头抽生煎海花竹虾 经理话虾壳都食得，我都试左少少，个汁好好味，唔知系咪净系头抽？虾肉唔「梅」，食得出系新鲜，不过略赚熟左d
福禄临门沙巴老虎斑 鱼都算滑，几鲜甜，个豉油刚刚好，用黎吊味好正，我钟意食鱼，觉得几好味~
黄金脆皮文昌鸡 鸡好滑，亦都好够味，不过我唔食鸡皮既，唔知脆唔脆
金柱鲜竹泡翡翠 清清地都唔错，菜亦唔会太腍身，刚刚好
龙虾崧西施泡饭 上枱时倒左d脆米落去，增加口感，个效果都几吸引。呢个系好多食友赞好的菜式，亦系个人第二至爱。龙虾汤好鲜甜，饮得出真材实料。系一定会再食既菜式。
甜品
其实今次试菜最吸引我的反而系甜品，仲有4款咁多~
3.6牛乳香芒布甸 4款之中最爱。虽然我唔特别喜爱芒果，但呢个布甸真系几好食，芒果够甜，牛奶亦滑，加埋平衡番(我比较怕好重芒果味既)，唔需要落花奶已经好正(佢有提供花奶)
宫廷桂花糕 甚为喜爱桂花糕的我觉得比较失色，因为加了两层椰汁，椰汁味浓，有点盖过了桂花的清香。经理听了之后即表示会改良，希望下次去会食到更好味的。
椰汁燕窝寿桃包 呢个都好正，卖相都好靓，系流心架~ 椰汁好滑，清清地唔会太甜，包亦很软熟，我第二至爱的甜品。
生磨蛋白杏仁茶 极爱杏仁的我觉得杏仁味清淡(系无添加的原因？)，饮得出系磨唔系用粉开的，但又好滑，证明磨得好幼细，多谢其他食客相赠多一碗俾我食。
好满足的一餐~ 爆哂quota，明天要努力做运动~
详尽version: http://hk.myblog.yahoo.com/holmes-man
张贴
