影片
更多
2014-11-14
2628 浏览
山长水远黎到昂坪，点可以唔试下出名既宝莲寺斋堂，人生第1次食斋，呢到打破左我对食斋既睇法，原来食斋都可以简单得黎又好味。首先要系门外售票处购票先入去，有珍味素$88位同贵宾斋$128位拣，因为睇过2者分别不大，贵宾斋只系多左个翅，所以最后只系拣左普通珍味素试一试。入到去比票比侍应就会自动上菜，因为上网睇过汤同饭系任添的，所以就想试下系味真，因为就禁睇真系完全唔知可以添的，所以饮完个汤就试下叫侍应再添，点知真系可以无限添，呢个真系加分，因为我系汤怪来的^^汤水方面，其实个汤真系无咩味，可能食斋本来就系强调无味精而比较清为主，所以可能连盐都唔落，但清清地都可以接受的。食物方面，最好食系个炸春卷，真系想像唔到原来入面好多料，但个味又夹到，炸得好脆好香口，口感一流！个粟米豆腐都好好味，d豆腐超滑！拎黎送饭真系一流！个冬菇都好正，食得出蚊左好耐，入哂味，真系好滋味。另外个碟瓜都爽口的，但相比之下就不过不失。整体黎讲$88位都值的，食到斋之余又添到香油，何乐而不为？不过题外想讲一讲就系个厕所位置就比较远少少，要穿过呢个大圆门口直出到尾行一段楼梯山路先去到，都比较远，不过沿途都欣赏到风景都可以接受的
山长水远黎到昂坪，点可以唔试下出名既宝莲寺斋堂，人生第1次食斋，呢到打破左我对食斋既睇法，原来食斋都可以简单得黎又好味。
首先要系门外售票处购票先入去，有珍味素$88位同贵宾斋$128位拣，因为睇过2者分别不大，贵宾斋只系多左个翅，所以最后只系拣左普通珍味素试一试。
入到去比票比侍应就会自动上菜，因为上网睇过汤同饭系任添的，所以就想试下系味真，因为就禁睇真系完全唔知可以添的，所以饮完个汤就试下叫侍应再添，点知真系可以无限添，呢个真系加分，因为我系汤怪来的^^
汤水方面，其实个汤真系无咩味，可能食斋本来就系强调无味精而比较清为主，所以可能连盐都唔落，但清清地都可以接受的。
食物方面，最好食系个炸春卷，真系想像唔到原来入面好多料，但个味又夹到，炸得好脆好香口，口感一流！
个粟米豆腐都好好味，d豆腐超滑！拎黎送饭真系一流！
个冬菇都好正，食得出蚊左好耐，入哂味，真系好滋味。另外个碟瓜都爽口的，但相比之下就不过不失。
整体黎讲$88位都值的，食到斋之余又添到香油，何乐而不为？
不过题外想讲一讲就系个厕所位置就比较远少少，要穿过呢个大圆门口直出到尾行一段楼梯山路先去到，都比较远，不过沿途都欣赏到风景都可以接受的。
最后食埋呢个斋就正式为呢个昂坪大佛之旅划上完美既句号！^^
张贴
