麵麵 (已結業)

无啦啦同朋友兴起出旺角，临急临忙用d餐厅优惠app揾食，最近经济咁差，真系悭得$1得$1。居然比我揾到呢间之前想食，但嫌佢贵既面馆有买一送一Coupon，即刻book枱。晚上7点到达，当时入座人数唔多，但估唔到短短一个钟，捧场客多到要等位!!!入座之后职员会送上一小杯鱼汤暖胃，鱼汤非常浓郁，而且一d都唔腥，就连怕腥味既朋友都表示唔错。Twins鱼之脆卷浓鱼汤鱼乌冬 (原价$72)三款小菜分别系柚子汁渍白萝卜、日本紫蕃薯仔、麻酱海带，除左第一款之外，其余都好味。之前见餐厅话佢地既乌冬系自家研发，特别在乌冬加入鱼肉制成，所以特别弹牙且有鱼味，中意食鱼既我被深深吸引。老实讲，呢个乌冬系我食过最弹牙既乌冬，味道似鱼蛋，但唔会好咸；个汤比之前果杯仔汤淡味少少，但都好饮。脆卷有两款，深色脆身d，浅色就鱼味浓d，两款都好弹牙；中意浓味同好辣既朋友，可以沾少许自家辣酱，唔会太辣，但好有辣香。小食拼盘 ($98)新鲜炸出黎，蕃薯条够甜有蕃薯味，外微脆入软烂；粗薯条外脆入粉，配埋中间个黑松露酱，无得顶；鸡翼香脆，食落有d孜然味，中意佢食落唔油腻。整体食物质素好好，食物又有惊喜，买一送一非常抵，份量对女仔黎