影片
更多
2021-10-25
592 浏览
上网揾到呢间嘅环境睇落唔错，决定同未婚妻嚟浪漫一下。上到嚟的确几好view，少少昏暗，有烛光点缀，真系有啲fine dinning嘅感觉。怕太多野食唔哂，所以冇叫两个set，只系一个set再加多一个main，另外再叫甜品。主菜上前有面包、胡桃南瓜汤、烧南瓜沙律同埋三文鱼mousse。南瓜汤都几浓稠，如果饮哂一碗可能会饱饱地；沙律都OK，菜够新鲜，南瓜又甜兼冇渣，芝士份量又刚刚好；特别要介绍嘅系个三文鱼mousse，真系有三文鱼既味道，但质地系mousse，我有谂过系咪将啲三文鱼肉直接搅成浆状…虽然脑海有呢个画面，但都觉得几好食同特别。主菜要咗个板烧自家熟成西冷牛扒伴香草牛油，再加个意大利手卷意粉伴野菌、辣肉肠及巴马臣芝士。两样都好食到不得了！先讲个意粉，望落有啲似肉酱意但系啲意粉系粗身卷筒状，挂到多啲酱汁，而个酱有辣肉肠加芝士本身都好好味，仲有啲野菌菇令个口感更有层次，满分！再赞个西冷，如果唔系个羊西冷卖哂，我可能都冇发现佢呢个牛西冷系咁正：够厚身，脂肪少，肉味浓，我每一口都切得好细份，惊太快食哂…试咗呢两个main course都觉得咁好食，令我不禁想知道其他会唔会到咁好食，所以我呢
怕太多野食唔哂，所以冇叫两个set，只系一个set再加多一个main，另外再叫甜品。
主菜上前有面包、胡桃南瓜汤、烧南瓜沙律同埋三文鱼mousse。
南瓜汤都几浓稠，如果饮哂一碗可能会饱饱地；沙律都OK，菜够新鲜，南瓜又甜兼冇渣，芝士份量又刚刚好；特别要介绍嘅系个三文鱼mousse，真系有三文鱼既味道，但质地系mousse，我有谂过系咪将啲三文鱼肉直接搅成浆状…虽然脑海有呢个画面，但都觉得几好食同特别。
主菜要咗个板烧自家熟成西冷牛扒伴香草牛油，再加个意大利手卷意粉伴野菌、辣肉肠及巴马臣芝士。两样都好食到不得了！
先讲个意粉，望落有啲似肉酱意但系啲意粉系粗身卷筒状，挂到多啲酱汁，而个酱有辣肉肠加芝士本身都好好味，仲有啲野菌菇令个口感更有层次，满分！
再赞个西冷，如果唔系个羊西冷卖哂，我可能都冇发现佢呢个牛西冷系咁正：够厚身，脂肪少，肉味浓，我每一口都切得好细份，惊太快食哂…试咗呢两个main course都觉得咁好食，令我不禁想知道其他会唔会到咁好食，所以我呢一刻就知我应该会再嚟！
跟餐个甜品卖哂，所以餐厅安排转咗个红莓芝士挞同另外要个火焰朱古力球。
芝士挞唔算腻，又唔会硬巴巴，几好。
餐饮要咗热咖啡，都几香浓，配芝士挞食会几夹。
个雪糕畀啲朱古力脆皮包住再用点著火嘅酒淋上面，视觉效果十分好，但食嘅时候建议唔好点太多酒。
张贴
