影片
更多
2022-02-16
209 浏览
喺呢间铺食到我人生食过最难食嘅糖水，没有之一。呢个故事教训我平嘢冇好嘢，几乎唔打食评都专登上嚟打，只系希望其他人唔会同我一样中伏。佢咁多个好评系咪买返嚟无从稽考，但系见到啲差评，就知道仲有中肯嘅大有人在，大家都极力抵抗呢种货不对办。.事缘早几日想食糖水，咁岩喺太子行完街谂住买外卖返屋企。见到外卖平台呢间铺做紧将近半价，专登由太子行到去深水埗买。去到舖头见到空无一人，只系得我呢张订单制作中。平台显示需要10几分钟制作，落单后5分钟我已经到左，坐喺门口等都唔好意思催佢哋，但冇谂过最后将近用咗20分钟先拎得，唔明点解要搞咁耐。。。但都算啦。。。谂住好食就冇所谓啦，点知一返到屋企打开个外卖就出事啦🥱🥱🥱.炸物- 第一，大多数餐厅都会喺个盖度剪个窿，透气唔好比啲倒汗水焗到湿晒，呢间餐厅冇咁做- 第二，又要懒贴心咁俾茄汁，但连个盖都悭，浸到啲炸物湿哂，咁不如唔好俾，连茄汁都悭返- 第三，好难食，炸粉厚到系食物嘅几倍，仲要湿哂淋哂。但既然都俾左钱，本住食得唔好嘥嘅宗旨，攞咗入焗炉焗返热，出到嚟系脆左不过都系掩盖唔到佢本质系难食嘅事实💣.腐竹薏米白果- 极多莲子，薏米份量正常，但完全唔见半块腐竹，唯有
.
事缘早几日想食糖水，咁岩喺太子行完街谂住买外卖返屋企。见到外卖平台呢间铺做紧将近半价，专登由太子行到去深水埗买。去到舖头见到空无一人，只系得我呢张订单制作中。平台显示需要10几分钟制作，落单后5分钟我已经到左，坐喺门口等都唔好意思催佢哋，但冇谂过最后将近用咗20分钟先拎得，唔明点解要搞咁耐。。。但都算啦。。。谂住好食就冇所谓啦，点知一返到屋企打开个外卖就出事啦🥱🥱🥱
.
炸物
- 第一，大多数餐厅都会喺个盖度剪个窿，透气唔好比啲倒汗水焗到湿晒，呢间餐厅冇咁做
- 第二，又要懒贴心咁俾茄汁，但连个盖都悭，浸到啲炸物湿哂，咁不如唔好俾，连茄汁都悭返
- 第三，好难食，炸粉厚到系食物嘅几倍，仲要湿哂淋哂。但既然都俾左钱，本住食得唔好嘥嘅宗旨，攞咗入焗炉焗返热，出到嚟系脆左不过都系掩盖唔到佢本质系难食嘅事实💣
.
腐竹薏米白果
- 极多莲子，薏米份量正常，但完全唔见半块腐竹，唯有安慰自己碎湿湿𠮶啲应该就系。。。呢碗野个样同网上其他食评完全唔同，食落都冇任何腐竹味，剩系得阵死甜味。
.
杨枝甘露
- 望落有椰汁芒果汁，但食落完全唔关事，又系死甜夹杂住阵臭胶味。。。成碗野杰挞挞到成西米粥咁，都唔可以用糖水嚟形容。入面嘅芒果生到好似啲青芒果咁又硬又酸，一啲芒果嘅甜味都冇。至于杨枝甘露嘅精髓 - 西柚，好彩嘅话一大羹西米粥入边会揾到一小块西柚碎，唔好彩嘅话就系我咁啰🥲
.
讲左咁多，只系希望其他人唔会同我一样，见到有优惠贪平试吓再中伏😑
炸物
8 浏览
1 赞好
0 留言
腐竹薏米白果
5 浏览
0 赞好
0 留言
杨枝甘露 （西米粥）
2 浏览
0 赞好
0 留言
13 浏览
0 赞好
0 留言
张贴
