影片
更多
2016-11-05
1387 浏览
正所谓人衰行路真系打倒褪，爸爸妈妈结婚周年纪念晚餐就咁败咗响我手上喇唉～原先喺openrice见到喱间啲review都几好，嘢食又几特别，打去book位时个staff又好殷勤咁，都满心期待去食嘅。Menu上唔算多嘢拣，所以我都expect啲dish都系佢撚手嘅咁。去到间餐厅，见佢冇摆我位，当时我不以为意，谂住一阵就会有，费事咁小事都chur人啦，吖点知成餐饭食到最尾，位都冇摆俾我，有一刻谂我系咪已经死鬼咗所以佢睇我唔到👻我去到之时已经上晒菜，由于9点钟last order所以我拿拿淋嗌定埋甜品，跟住就开始食啦～一望，嘢食果然系好「家乡」咁款，卖相嚟讲系冇咩卖相嘅，所以有啲我系相都冇影，相机都唔系几开胃冇话想食先。唯一有影嘅主菜之一，姜葱三文鱼，味道有啲咸，卖相就有目共睹啦，肉质就拍得住我阿爸甚至我阿嫲嘅。其实仲叫咗个东坡牛肋骨($148)，卖相真系麻麻但食落反而可接受嘅。跟住喱个系我都有少少期待嘅梅菜肉饼糖心蛋都系偏咸，由外到内左至右都系坚咸，唔系好食到梅菜味。好啦，当我一心以为前菜主食都唔太好，可以甜品先系撚手嘢之际，我都只能够话自己太傻太天真。贵为伏食战队队长嘅我，不知那来嘅勇气竟
原先喺openrice见到喱间啲review都几好，嘢食又几特别，打去book位时个staff又好殷勤咁，都满心期待去食嘅。Menu上唔算多嘢拣，所以我都expect啲dish都系佢撚手嘅咁。
去到间餐厅，见佢冇摆我位，当时我不以为意，谂住一阵就会有，费事咁小事都chur人啦，吖点知成餐饭食到最尾，位都冇摆俾我，有一刻谂我系咪已经死鬼咗所以佢睇我唔到👻
我去到之时已经上晒菜，由于9点钟last order所以我拿拿淋嗌定埋甜品，跟住就开始食啦～一望，嘢食果然系好「家乡」咁款，卖相嚟讲系冇咩卖相嘅，所以有啲我系相都冇影，相机都唔系几开胃冇话想食先。
姜葱三文鱼
$118
35 浏览
0 赞好
0 留言
其实仲叫咗个东坡牛肋骨($148)，卖相真系麻麻但食落反而可接受嘅。
跟住喱个系我都有少少期待嘅梅菜肉饼糖心蛋
梅菜肉饼糖心蛋
$38
30 浏览
0 赞好
0 留言
好啦，当我一心以为前菜主食都唔太好，可以甜品先系撚手嘢之际，我都只能够话自己太傻太天真。贵为伏食战队队长嘅我，不知那来嘅勇气竟然仲一口气嗌咗4款。
29 浏览
0 赞好
0 留言
1. 益力多芭菲—Pre-made甜品其实冇太大问题嘅，但系如果要用粟米片之类脆脆嘢就好心临上前先放啦大佬
2. 鸳鸯奶冻—喱个真系重头戏，一啖食落去，酸酸哋仲要好似食到有汽咁😱我完全唔知食紧啲咩，好明显奶冻酸嘅，个咖啡底有汽，爸爸话系bacteria fermentation ☠️ 知感觉而家谂返都好惊吓。虽然内心系好惊恐，但我仍然好冷咁嗌咗个staff过嚟同佢讲坏咗，佢个样半信半疑，但都帮我cancel咗，后尾可以听到我仲有几句微言，就拎咗个唔知咩奶酱多雪糕话请我哋食。点知，真系一味还有一味伏。完全食唔到系咩味，总之就好鬼怪，佢仲要highlight喱个甜品「啲客好钟意架」咁话㖞🙄
3. 西饼—喱个系一个阿华田加好立克嘅唔知乜，食落去好甜，个texture先系重点，好有童年味道，因为似足细个好钟意玩嘅泥胶。
4. 最后个西多—味道都系好一般咁。
回想返成餐饭，我净系谂起𠮶啖酸鸳鸯😖
张贴
