家樂餐廳

营业中

休息中

老朋友最近转去火炭工业区工作，经常说火炭工业区无啖好食，唔似以前在观塘工业区工作，大把好嘢食，今日星期六，朋友原本放下午，相约去佢公司等佢收工，但下午突然有业务要处理，就在佢公司附近食个快饭吧。朋友带我去火炭铁路站河对面，位于火炭村村屋内的 嘉乐餐厅。中午十二点半餐厅已经八成满座，同朋友坐低点了两个小菜套餐一齐食。栗子炆鸡鸡好入味，酱汁浓度适中，栗子就唔系好够透，份量足，味道好，伴饭一流。西兰花炒虾球西兰花炒到啱啱熟透，仲保留爽脆度，虾球弹牙， 虽然系急冻虾 ，但都食到有虾味，厨师功夫系唔错，而且分量好充足，对得起价钱。唯食到中途，午饭人潮杀到，餐厅变好迫，左搭枱，右搭枱，迫到透不过气，很不习惯，尽快食完走人。