心粥館 (已搬遷) 新店位置

呢间系一间有好多连锁店既餐厅仔，平时无论任何时间都排哂队，坐满人的。今晚，见到有位就拿拿淋去order想食既野，跟住埋位等待应送餐来。先讲呢度待应既服务态度… 无论由order食物、送餐甚至乎厨房部，每个人全部都系十分之有礼貌。 环境方便……虽然多人挤迫， 但系地方都保持得好干净。 食物方便…… 叫咗一份羊腩煲， 跟生菜同一碗白饭。个汁够入味，配料多，尤其马蹄够新鲜， 可惜既系羊腩就争左少少，羊腩炆得唔够淋，老人家可能食唔到。 一份无骨猪手、肉碎炒豆角(细碟)、菜饭。无骨猪手连汁炆好匹配 。又够淋， 猪手皮爽口，好味到极冇得顶。肉碎炒豆角，细细碟、不过啲豆角就有衣，好难口。