影片
更多
2020-11-13
373 浏览
平日放饭时间系铜锣湾 间间都好多人 想食快野又唔想外卖 黎到人头涌涌既龙城冰室 排咗阵队都算快就入到去基本上冰室座无虚席 入面节奏好快 无论侍应、收银同食客都以极高速完成手头上既事/暴风吸入食物 可能系午饭时段 搞到望多阵餐牌都有啲压力呀餐牌都几多款拣架 有是日午餐同主menu 拿拿林落完单之后侍应就开始派下午茶餐牌 原来我哋迟多几分钟就可以叫下午茶喇 实在系失策失策呀我哋嗌咗份有厨师推介既王牌铁板套餐 - 板烧和风嫩牛柳配照烧汁($90) 套餐 跟饭 饮冻柠茶(+$3) 走甜少冰 又到咗写食评先发现佢冇送到餐汤(喊) 另外加配咗份大牛油猪仔包(+$8) 同单点咗碟蒜蓉拍姜炒芥兰($46) 总共$147呢道既铁板餐都几贵下架 要$90起 即刻试一试佢值唔值 牛量充足 冇呃你嫩牛柳系真系几嫩下 完全唔会鞋身或者韧 煮到啱啱好 厚身啲既位仲特别好食添 热辣辣既牛柳配埋个照烧汁 既有芝麻粒既香又有豉油既甜 加埋落旧牛柳道 真系几唔错 一口接一口呀呢个大牛油猪仔包(套餐+$8) 系我好后悔嗌咗既野 事关佢真系好大(食完都饱饱地) 但我睇错以为系奶油猪仔包 当我发现佢上面冇奶既时候真系大失所望
基本上冰室座无虚席 入面节奏好快 无论侍应、收银同食客都以极高速完成手头上既事/暴风吸入食物 可能系午饭时段 搞到望多阵餐牌都有啲压力呀
餐牌都几多款拣架 有是日午餐同主menu 拿拿林落完单之后侍应就开始派下午茶餐牌 原来我哋迟多几分钟就可以叫下午茶喇 实在系失策失策呀
我哋嗌咗份有厨师推介既王牌铁板套餐 - 板烧和风嫩牛柳配照烧汁($90) 套餐 跟饭 饮冻柠茶(+$3) 走甜少冰 又到咗写食评先发现佢冇送到餐汤(喊) 另外加配咗份大牛油猪仔包(+$8) 同单点咗碟蒜蓉拍姜炒芥兰($46) 总共$147
呢道既铁板餐都几贵下架 要$90起 即刻试一试佢值唔值 牛量充足 冇呃你嫩牛柳系真系几嫩下 完全唔会鞋身或者韧 煮到啱啱好 厚身啲既位仲特别好食添 热辣辣既牛柳配埋个照烧汁 既有芝麻粒既香又有豉油既甜 加埋落旧牛柳道 真系几唔错 一口接一口呀
呢个大牛油猪仔包(套餐+$8) 系我好后悔嗌咗既野 事关佢真系好大(食完都饱饱地) 但我睇错以为系奶油猪仔包 当我发现佢上面冇奶既时候真系大失所望 如果佢有奶就好喇 一定会有好多人想加配架!!
最后系呢碟蒜蓉拍姜炒芥兰 味道一流兼有镬气 爽脆冇起渣 花就多咗啲 我知好多人都会食埋啲花 但我坚信老人家话食得花多会耳鸣 所以我食净一个小森林 总括而言佢都系好食架
张贴
