日暮家 麵匠 (已結業)

生活少咗十二子嘅消息，的确枯燥咗好多…… 😔 有时候好挂住佢哋欢笑嘅模样。知道AK老板同亲友开咗间日式拉面店，依晚小编心血来潮走咗去排队食拉面，解一解郁闷。🦊🍜 葡式柠檬蚬贝拉面 😋😋😋😋😋依款系期间限定嘅拉面，小编拣咗普通程度嘅面质同汤底浓度。嚟到见到约有六只蚬贝同一大块日式叉烧，面头有带皮嘅柠檬粒🍋同红葱头碎、少许日本豆苗同一小旧牛油。先试啖面底，咸鲜得嚟有柠檬嘅微酸，因为落咗牛油 🧈，质地有少少creamy。蚬肉鲜甜，处理得好干净、唔会有沙，而叉烧属于系半肥瘦，慢煮得好软熟。虽然系新潮嘅拉面款式，但整体味道系夹嘅！🍹 日暮家黑豆茶 😋😋😋😋日本入口嘅黑豆茶，冇咖啡因，饮落有黑豆嘅余韵喺口腔，每支都有佢哋舖头嘅猫猫插画tag 🐱，小编最后拎走留作纪念。晚餐 💵💵💵💵 约港币$200/人💁🏻‍♀️ 温馨提示：小编依晚系平日傍晚6点15分左右到，大概排咗50分钟。面店约有二十多个座位，现时只收现金，但系就唔使加一！如果大家想去食嘅话，就要做好准备啦！🙏🏻🙆🏻‍♀️ 最后，喜欢嘅话，欢迎follow @foodirectory.hk ！