氣日本料理 (已結業)

有一次睇志云饭局，发现有一间餐厅好靓，上网查一查，原来就系世贸中心 9/F 既　At Corner。　所以琴晚第一时间就打电话去 book 位等今晚同男朋友去试一试。　　由于一路都好钟意食日本野，但系就唔容易揾到间有海景而又唔系好贵既餐厅。第一眼入到餐厅既感觉系装修好靓，有我最钟意既紫色梳化而 waiter 哥哥都好好人比我地坐卡位。 因为我好钟意食乌冬 ，所以一坐低就叫左一碗手打乌冬天妇罗，而男朋友就叫左一碗乔麦面天妇罗。 另外，我地仲叫左串烧牛舌、豚肉带子及鸡软骨各一串。 其实想再叫多几串串烧，但系系怕热气，所以最后冇叫到。 我觉得咁多样野最好食系个天妇罗，因为呢个天妇罗既虾好新鲜同埋炸到好脆。 有d日本餐厅会将d炸物摆左好耐先攞出尼，炸物一冻左就唔好食架la!此外，呢间餐厅既优点就系d野食尼得好快，唔洗等好耐就有野食。最后我地埋单大约 $330 左右，价钱唔算贵，下次一定再帮衬! 当我地走既时候仲发现原来呢间餐厅隔离有得整头发同做指甲，其实日本已经有好多百货公司有呢d一站式既服务，啱晒ｄ扮完靓又想食d野既女仕门。 等我下次约埋d friend 做完指甲之后顺便食埋晚饭先!