影片
更多
2022-08-23
1239 浏览
疫情下，真喺影响咗好多老友间嘅聚会，自问防疫唔喺百分百严谨，但又绝对唔喺趟平，总之，谨慎行事，所以，暂时都只喺会同个别好熟嘅死党食吓饭。今餐，就同啲好熟，又好耐好耐无聚过嘅死党食番餐，今宵再重聚，选址尖沙咀喺就大家方便，拣「喜聚烧」食串烧，贪其可以慢慢食，慢慢倾。 「喜聚烧」喺楼下「喜膳烧」嘅姊妹店，多年前帮衬过后者，印象甚佳，所以，有信心带咀刁嘅死党嚟试。踏进餐厅，地方比想像中大，呈L形，简约装修，配柔和灯光，感觉舒服。 而餐牌，亦即喺点菜纸，打开一睇，真喺选择多多，类别五花八门，海鲜呀、鸡牛猪、蔬菜、丸类、饺类、甜品……一应俱全，兼有少少主食，一时间真喺花多眼乱。除各式各样嘅串烧之外，仲加咗多款麻辣嘅菜式，搞搞新意思。 另外一张喺饮品餐牌，底面两页，有多款日本清酒、红白餐酒、生啤、手工啤、及多种非酒精饮品……等等。 枱上有一罂孜然粉，一罂辣粉，其实，大部份串烧都已有调味，所以，基本上都唔使点用，除非你喺食得好重口味嘅人。可乐 $18、青柠梳打 $38、自家制冰糖雪耳雪梨水 $32打鞭炉同食串烧一样，点都要揾啲冰冻嘅饮品嚟先够搭配。小弟就拣咗青柠梳打，入口冰凉清爽，夹川菜或热焫焫串烧
「喜聚烧」喺楼下「喜膳烧」嘅姊妹店，多年前帮衬过后者，印象甚佳，所以，有信心带咀刁嘅死党嚟试。踏进餐厅，地方比想像中大，呈L形，简约装修，配柔和灯光，感觉舒服。
而餐牌，亦即喺点菜纸，打开一睇，真喺选择多多，类别五花八门，海鲜呀、鸡牛猪、蔬菜、丸类、饺类、甜品……一应俱全，兼有少少主食，一时间真喺花多眼乱。除各式各样嘅串烧之外，仲加咗多款麻辣嘅菜式，搞搞新意思。
另外一张喺饮品餐牌，底面两页，有多款日本清酒、红白餐酒、生啤、手工啤、及多种非酒精饮品……等等。
枱上有一罂孜然粉，一罂辣粉，其实，大部份串烧都已有调味，所以，基本上都唔使点用，除非你喺食得好重口味嘅人。
可乐 $18、青柠梳打 $38、自家制冰糖雪耳雪梨水 $32打鞭炉同食串烧一样，点都要揾啲冰冻嘅饮品嚟先够搭配。小弟就拣咗青柠梳打，入口冰凉清爽，夹川菜或热焫焫串烧，感觉宁舍过瘾，够大杯，够顶晒成晚食串烧时段。而其中一位老友拣自家制雪梨水，佢赞润心润肺。
烧香甜车厘茄烟肉卷 $29、烧手切鸡肾串 $32、海盐烧皇牌牛舌 $49、盐烧谷饲三层肉 $39先登场喺4款串烧，呢度特别在以热石板摆放串烧，保持温度，不会咁易摊冻晒。不过，我哋都醒，分几次嚟点，所以，次次都叹到热焫焫嘅串烧。
以前晌其他串烧店都食过，好推荐呢款菜式作「头盘」，因为香甜嘅车厘茄劲爆汁，有份清爽感，搭油香嘅烟肉，真喺好夹，百吃不厌。
鸡肾本常都喺食卤水嘅多，做串烧我自己就比较少食。啲鸡肾洒咗好多孜然粉，非常惹味，而入口爽爽哋，真喺几唔错。
牛舌喺小弟另一推介，因为确喺几有质素，入口软腍，却又有份柔韧感，加上牛舌独特嘅膻香味，喜欢牛舌嘅朋友真喺唔好错过。
为咗食，就将胆固醇抛诸脑后，三层肉应该即喺啲五花腩，睇相都清楚肥瘦相间，但肥肉部份都唔少嘢，不过，入口又无想像中咁肥、咁油腻，充满油香，惹味香口。
麻辣四姊妹 $88老友都有兴趣试啲川菜，小弟唔嗜辣，但今晚难得一聚，真喺舍命陪老友。四姊妹即喺莲藕、淮山、莴笋、云耳，以有型格嘅钟板奉上，下面仲放有蜡烛热住，长时间保持一定温度。各款蔬菜有唔同口感，麻辣方面就叫店员帮帮忙做个微辣版，但一样好有辣劲，而且，带点点甜味，老友食得滋味。
喜聚麻辣滋补鲜乌鸡（半只）$198既然啲麻辣几啱食，再下一城，试埋乌鸡，同样以铁板上，半只嘅份量都唔少。鲜乌鸡够滋补当然喺好嘢嚟，最紧要喺啲鸡肉入口都够嫩滑，麻辣都喺拣番微辣啦，虽然都喺辣劲十足，且散发出重重花椒嘅麻，但点到即止，唔会好呛喉，半只份量，两、三人食就啱啱好，而老友就过足麻辣瘾。
喜聚麻辣滋补鲜乌鸡（半只）
$198
0 浏览
1 赞好
0 留言
烧蛏子皇 $78、烧珍宝大扇贝 $78、烧贵妃蚌 $68跟住，豪一豪各自拣款海鲜试吓，啲海鲜睇落好新鲜，好靓仔，趁上枱时热辣辣，先试为快。
烧蛏子皇 $78、烧珍宝大扇贝 $78、烧贵妃蚌 $68
0 浏览
1 赞好
0 留言
大扇贝虽无预期咁「珍宝」，但都算大只、厚肉，但老友就大赞够鲜、够甜，而且，肉质好弹牙，配上大量蒜蓉同粉丝，正呀喂！
反而贵妃蚌比想像中大只，有半只手掌大，好有睇头，望落去又有光泽，入口口感软腍，而且，无话咬到沙粒之类，处理得宜，带淡淡嘅海水咸鲜味，仲有，唔好错过留晌壳上嘅「汤汁」。
烧韭菜 $20、烧鸡肉串 $28之后，就喺主攻烧蔬菜，不过，都整多串鸡肉先，而烧韭菜以前食串烧时都经常会点，所以，推介俾啲老友试试。
烧韭菜 $20、烧鸡肉串 $28
0 浏览
1 赞好
0 留言
韭菜就烧到好软身，但入口就有种柔韧感，加上洒上大量孜然粉，令其更有独特风味。
烧日本一口甜薯 $24、烧芝士翠玉瓜 $24、海盐烧法国鲜芦笋 $32最后一轮串烧，喺3款蔬菜登场，啲日本甜薯细细粒，方便食，入口口感够晒粉，甜度非常高，喺我嘅心水项目；翠玉瓜本身平平无奇，平时用嚟炒菜多，做串烧其实几好食，爽口、多汁，今次加埋溶透嘅芝士，添上一份咸香味；烧露笋一客只有一支，所以，确喺几贵架，但老友想试，就无所谓啦，露笋已经切成一小件，简单洒咗少少盐嚟烧，质感清爽，鲜嫩得入口无渣。
烧玉桂焦糖金菠萝 $38压轴登场喺烧菠萝，既喺「饭后果」，又喺甜品。烧过嘅菠萝会特别好食，因为烧得好手势嘅，外表会有一层焦香感，而烧过之后收收水，菠萝味会更浓郁、更清甜，喺唔好错过嘅饭后之选。
烧玉桂焦糖金菠萝
$38
1 浏览
1 赞好
0 留言
今晚同老友一聚，唔知下次又喺几时，不过，今晚都够尽兴，食咗多款好嘢，大部份都喺有质素嘅，就连咀刁嘅老友都认同。整体服务又唔错，上串烧嘅速度唔会太急，让客人可以慢慢叹，边食边倾，愉快嘅时光特别快过。
张贴
