影片
更多
2022-01-06
2158 浏览
多年前去过一趟九州旅行，不过𠮶次只玩南九州，即喺宫崎、鹿儿岛，本来都有打算玩埋北九州，就喺撞正新冠，一切外游都延期再延期，照睇目前状况，真喺讲唔埋几时先出得门。所以，就同啲老友一齐嚟到九州佐贺人气烧肉店 「Yakiniku Kakura」豪番餐，食咗当去住先，有机会点都要真身去一转。 第一次嚟，入口有啲「蛊惑」，唔喺搭扶手电梯个入口，而喺隔离有少少隐蔽嘅楼梯。上到去，又以为喺眼见嘅入口，其实一楼有两间店，转右入条小巷走到尾先喺「Yakiniku Kakura」。 餐厅地方都几大，分咗好多区域，明显喺可以间番成一个个厢房，方便啲客搞活动，当然，依家疫情限聚，就唔可以搞得太大棚人啦。整体装修摩登时尚，地方阔落，唔会有咩挤逼感，而且，每枱都有聚焦灯，最方便到小弟影嘢。店家主打日本直送嘅鹿儿岛县产嘅黑毛和牛，位置选择非常多，小弟就唔一一抄出嚟，自已睇相啦。此外，仲有宫崎产嘅黑毛豚、山口县产嘅若鸡、海鲜、野菜、前菜、饭面……等等。 此外，唔介意价钱，想食到最好，餐厅更有提供到最高品质嘅A5等级鹿儿岛县产黑毛和牛。 如果唔想烦，或有选择困难症嘅话，可以考虑拣套餐，定价$398，因为一个价钱包咗沙律
第一次嚟，入口有啲「蛊惑」，唔喺搭扶手电梯个入口，而喺隔离有少少隐蔽嘅楼梯。上到去，又以为喺眼见嘅入口，其实一楼有两间店，转右入条小巷走到尾先喺「Yakiniku Kakura」。
餐厅地方都几大，分咗好多区域，明显喺可以间番成一个个厢房，方便啲客搞活动，当然，依家疫情限聚，就唔可以搞得太大棚人啦。整体装修摩登时尚，地方阔落，唔会有咩挤逼感，而且，每枱都有聚焦灯，最方便到小弟影嘢。
店家主打日本直送嘅鹿儿岛县产嘅黑毛和牛，位置选择非常多，小弟就唔一一抄出嚟，自已睇相啦。此外，仲有宫崎产嘅黑毛豚、山口县产嘅若鸡、海鲜、野菜、前菜、饭面……等等。
此外，唔介意价钱，想食到最好，餐厅更有提供到最高品质嘅A5等级鹿儿岛县产黑毛和牛。
如果唔想烦，或有选择困难症嘅话，可以考虑拣套餐，定价$398，因为一个价钱包咗沙律、前菜、多款肉类及甜点，但记得喺二人起。
饮品呢？亦不愁无选择，红白餐酒、清酒、烧酌、烧酌特饮、果实酒、日本啤酒、乳酸梳打、汽水……等等。
虽然，店家都备有热茶，但食烧肉就唔可以唔点番杯冻饮。而所有落单，都扫二维码，自行落单，一路点，一路同你计住总数，又可以查番点过啲乜嘢，一目了然，唔难用。当然，唔熟嘅，可以揾店员帮帮手！
青森苹果乳酸梳打 $42白桃口味喺最心水，但之前都饮过好几次类似嘅梳打，今次就试试青森苹果，拣咗走冰，但一样入口咁清凉，而味道又几唔错㖞，有阵阵苹果香，乳酸梳打带嚟嘅清爽感，一口烧肉，一口梳打，真喺好过瘾。
白桃乳酸梳打 $42 老友本来想饮可乐，我就推荐佢试吓白桃口味，一来饮乳酸梳打都有饮汽水嘅感觉，二来白桃口味应该会几清甜，配搭啲浓味食物应该都好夹，结果，老友当然话好饮啦，又够晒大杯㖞。
一切准备就绪，用餐餐具、烧肉夹都整齐排列好。而酱汁分别有油醋汁、烧肉汁及酱油，基本上今日所点嘅几款肉都腌过，可以唔使点用，不过，用咗就更加惹味啲。如需要铰剪，都可以问店员攞，此外，换网可以用二维码当落单咁做，而店员不时亦会主动帮忙换网！
而店员亦会先送上一小碟「猪膏」，咁唔讲都明做咩啦，相信唔会有人就咁当前菜夹嚟食啩，哈哈。
生菜 $28先介绍呢个「生菜」，晌餐牌中，估佢唔到喺列为人气之选架，作用就喺好似食韩式烤肉咁，用嚟夹住啲烧肉一齐食，可以减减油腻度。不过，称之为人气之选，亮点反而喺因为附有一小碟特制嘅味噌，唔会好咸，仲带少少甜，几衬。
大判烧！黑毛和牛西冷 $178网上查一查，大判烧（日式烧饼）喺由于形状类似日本过去嘅椭圆形金币「大判」而得名，当然唔喺有件「大判烧」伴碟啦，而喺有只温泉蛋跟埋，俾啲烧肉沾嚟食。睇到件黑毛和牛西冷就已经好兴奋，色泽鲜红且有光泽，油脂十足且平均，简单搽咗少少酱油，基本上，每一面轻烤廿秒左右就已经食得。沾上蛋浆，令入口更滑溜，西冷特点就喺既有肉香，又有油香，又加埋少少蛋香，真喺大满足。
大判烧！黑毛和牛西冷
$178
7 浏览
0 赞好
0 留言
牛板腱肉 $98牛肉方面，仲拣多一款牛板腱肉试试，虽然唔及件西冷咁多油脂，但啲油花分布一样又靓又平均。又喺唔需要烧太耐，先试一片原味净食，充满油香而不过火，细嚼肉质质感好细致；再嚟就以生菜包住食，加埋啲特制味噌酱，果然特别惹味，味道更丰厚。
牛板腱肉
$98
14 浏览
1 赞好
0 留言
黑毛豚胫肉 $88猪肉方面，拣咗一款豚胫肉，其实即喺我哋惯叫嘅猪颈肉，所以，原件嘅豚胫肉带有好多白纹，简单以盐同黑椒调味。猪肉就烧耐少少，一来稳阵啲，二来做到少少焦香效果，咬落口感爽爽哋，入口唔肥；此外，亦有加生菜同味噌酱一齐食，立时增加咗啲清爽感。
若鸡鸡腿 $78呢款「若鸡」一啲都唔弱鸡，虽然未有上网去查证呢款鸡种，但食得出具质素。鸡腿肉专登切到连埋皮，又喺简单以盐同黑椒调味，烧得外皮金黄，咬落，外皮甘脆，啲肉非常鲜嫩而富肉汁。
若鸡鸡腿
$78
18 浏览
0 赞好
0 留言
海鲜盛合 $178猪牛鸡都样样试啲，喺时候轮到海鲜，海鲜盛合就最划算，一份盛合有3款海鲜：帆立贝、海老同乌贼，而且，睇都见唔喺啲平价货色。
海鲜盛合
$178
3 浏览
0 赞好
0 留言
跟住烧乌贼，即喺鱿鱼，每件鱿鱼都鎅晒花，所以，烧完之后特别靓仔。唧啲柠汁落去，好鲜爽，而入口口感非常软熟却带点点烟韧感。
最后嘅帆立贝，喺连牛油粒一齐烤，让其吸收牛油香，之后，我哋再放上烤炉上烧一烧。啲帆立贝虽然烧完唔喺好大粒，但入口算喺鲜甜，又弹牙。
野菜拼盘 $68食咁多肉，唔揾啲野菜平衡吓，心里会充满罪恶感。点拼盘就最好嘅，一份拼盘有成5款蔬菜，包括冬菇、鸡脾菇、粟米、洋葱同南瓜。每款蔬菜都具质素，粟米怕烧干都未熟，喺烚过嚟，因为送到嚟之时见其少少冒烟。
野菜拼盘
$68
8 浏览
0 赞好
0 留言
石烧肉泡菜锅饭 $88担心大家唔够饱，所以，临尾点一客韩式石锅饭。呢个抵食㖞，因为都算几大锅，可以分到3-4碗。睇样都知有好多𩠌料：泡菜、茶树菇、菠菜、大豆芽、烧肉碎、紫菜、鸡蛋，将所有材料拌匀，味道自不然丰富有层次，饭粒又好软熟，唯可惜未有饭焦啫。
不愧鹿儿岛产靓和牛，啲牛肉确喺有质素，而其他嘅食材亦唔失礼，加上招呼到位，环境又阔落舒服，自不然大家都食得称心欢喜啦。
张贴
