ATUM Desserant (已結業)

最近 ATUM 都开咗好多唔同特色既餐厅，有西餐，有泰国菜，但一直令我期待既都系佢地第一间人气甜品店 - ATUM Desserant。黎到铜锣湾 L. Square 楼上，餐厅以吧台，开放式制作台同落地玻璃为主，感觉整洁；日头黎仲有自然阳光，非常舒服喔！入座后先点一杯饮品，「香蕉朱古力」，味道微苦，有点点香蕉味，原来落咗少少酒精。然后店员提点我哋可以将包包挂系台下面呀，好细心 享用过 daily special 既 welcome drink 之后，甜品师傅就俾咗黑、白、灰「画板」颜色选择，然后就开始以芒果、香芋、椰子、红莓果酱绘画同写上我哋既名。我个人特别钟意椰子同香芋酱。然后有更多既点缀，例如蜜瓜、士多啤梨、芒果糖分；抹茶粉；菠萝脆脆、红桑莓脆米；柑桔果冻；朱古力慕丝；焦糖脆脆、抹茶麻糬同哈蜜瓜奶冻。其中菠萝脆脆带酸，红桑莓脆米微甜脆口，口感好丰富。不得不提既有黑糖咖啡忌廉，配埋滑嘟嘟既朱古力慕丝，唔会太甜，我钟意！焦糖脆脆就较为痴牙，不过男朋友好钟意食喔~ 之后甜品师傅放上几片以 70% 黑朱古力做成既脆片，带点点苦涩味，好好食。最后来到拍片时间啦！甜品师傅即场用冻冰冰既液态氮