影片
更多
2015-12-27
118 浏览
黎到12月,终于有返啲冬天嘅感觉,所以即刻约friend打边炉。今次去土瓜湾路边㶽新店,初头都唔系好识去,但原来系旺角搭28m绿van 15分钟就到,都几方便。落车之后好快就揾到间舖,因为全条街最光猛就系佢。 等齐人之后我哋就入去,入面同出面一样好光猛,干净企理,都几舒服。 打边炉之前先黎一客八味金砖豆腐。卖相虽然一般,但胜在外脆内滑,加上酸味味嘅黑醋酱汁,作为餐前小食可谓胜任有余。 打边炉最重要嘅当然系汤底,今次我哋点左野菌花甲汤,店员帮我地set好晒啲嘢之后叫我哋可先饮汤,然后再打边炉。呢度嘅店员非常有礼貌,服务态度一流。讲返个汤,用料十足,花甲食之不尽,而且空壳唔多,其他配料亦十分丰富,包括野菌,蕃茄,粟米,芹菜等。但味道一般,蕃茄味较浓,将花甲同野菌嘅鲜味盖过,令汤底稍为失色。 饮完汤后就开始入戏肉,由于人数唔多,我哋只系点左几样野食。 牛颈脊,同一般肥牛唔同,系厚切嘅,所以咬落去好实在,加上脂肪唔多,所以多食都唔会腻。 花竹虾,系全晚最惊喜嘅一环。本身我出街打边炉都唔多食虾,因为多数都得雪味,同埋啲肉好霉。但呢个花竹虾不单止无雪味好新鲜,而且肉多弹牙,虾头仲有少许虾
等齐人之后我哋就入去,入面同出面一样好光猛,干净企理,都几舒服。
打边炉之前先黎一客八味金砖豆腐。卖相虽然一般,但胜在外脆内滑,加上酸味味嘅黑醋酱汁,作为餐前小食可谓胜任有余。
打边炉最重要嘅当然系汤底,今次我哋点左野菌花甲汤,店员帮我地set好晒啲嘢之后叫我哋可先饮汤,然后再打边炉。呢度嘅店员非常有礼貌,服务态度一流。讲返个汤,用料十足,花甲食之不尽,而且空壳唔多,其他配料亦十分丰富,包括野菌,蕃茄,粟米,芹菜等。但味道一般,蕃茄味较浓,将花甲同野菌嘅鲜味盖过,令汤底稍为失色。
饮完汤后就开始入戏肉,由于人数唔多,我哋只系点左几样野食。
牛颈脊,同一般肥牛唔同,系厚切嘅,所以咬落去好实在,加上脂肪唔多,所以多食都唔会腻。
花竹虾,系全晚最惊喜嘅一环。本身我出街打边炉都唔多食虾,因为多数都得雪味,同埋啲肉好霉。但呢个花竹虾不单止无雪味好新鲜,而且肉多弹牙,虾头仲有少许虾膏。 最后我都食左4至5只,大家黎到一定要试下。
广岛蚝。卖相一流。一黎到好想即刻生吞落肚。不过为安全起见,最后都系放左落炉。啲蚝几新鲜,捞返上黎都唔系缩左好多水,食起黎啖啖肉,值得一试。
韮菜饺。味道一般,胜在馅料够多。
手打四宝丸同鹅肠。无乜特别,中规中矩。饮品方面,价钱较外面贵 ,不过打边炉唔饮嘢又好似争咁啲,所以最后叫左支竹蔗茅根。
总括黎讲,店舖衞生唔太逼,食物水准唔错有惊喜,有机会会再来。
张贴
