錦 (已結業)

今年叫做第二餐正式生日饭，又可以系5月12日生日前一晚嘅第一餐生日饭，其实今年真系无特别搅生日饭、生日派对、饮酒parties等，但唔知点解忙过上年好多，我自己都好混肴，都唔知自己讲紧乜？多谢马老板带我去九龙尖东富豪酒店1楼，多年获得港澳必比登美食推介，米芝莲车胎人美食嘅「锦 Nishiki」食串烧，入餐厅前当然要先量体温及唧酒精搓手液，之后由店员安排座位，随即放下热茶、热毛巾、腌渍物及白萝卜蓉，老板主场，点菜佢发板，未点菜已点一枝纯米大吟酿：一品(之后共饮咗1大1细枝)，平时夜晚10、11点后先饮酒嘅我，生日月就破介早啲饮，不过都唔系晚晚咁早饮。先上佐酒小食，有烧三文鱼干、烧三文鱼翅(印象中)、毛豆、芥辣八爪鱼、烧白饭鱼干、萤光鱿鱼、芝士酒盗，全部都系佐酒嘅美食，大部份都好好食，我最钟意就系味浓嘅芥辣八爪鱼、萤光鱿鱼同芝士酒盗，而香口嘅有烧三文鱼干、烧三文鱼翅同烧白饭鱼干。「锦」嘅名物免治鸡肉肠出场了，先将日本蛋捞匀再涂上鸡肉肠去食，蛋汁嫩滑，鸡肉肠外微微煎香，内里肉质细嫩、味道适中。烧鸡肝，人老了，大家share一串便可，烧得外脆内粉，胆固醇万岁。烧牛肋骨肉，刚刚好7-8成熟，肉嫩