影片
更多
2023-05-02
165 浏览
我哩D高达迷，当知道海洋公园搅个50年展览，必然要去朝圣啦! 又可以做吓龙友影吓相.想当年唔食饭都要悭钱买高达模型同杂志! 仲要买砌模型工具!女友小熊无跟我一齐去朝圣，同样佢入去廸廸尼维尼熊朝圣，我都唔会跟住去.朝圣完后，小熊见我身在南区，就约我去哩间蟹点开餐，佢话一早已经想同我嚟蟹点帮衬，最初唔明点解，食完就明哂!一去到餐厅，未入门，已经被个露台位吸引，因为地方超阔落，啱哂我哩D烟民!入到餐厅同样环境阔落!菜式多到居然要两本 Menu，而且菜式多到眼花撩乱，有中式小菜有泰式菜有潮州打冷又有海鲜，合心水菜式极多，我同小熊好多小菜都想食，但肥肚腩得两个! 心大心细左拣右拣谂咗好耐先决定到食咩!嚟到蟹点当然要食蟹啦，点咗份咖哩肉蟹同蒜蓉牛油软壳蟹，当然要配埋蒜蓉包点咖哩汁食啦，仲有蒜蓉粉丝蒸蛏子皇.居然仲有我大爱沙冰! 二话不说，菠萝沙冰!首先炸软壳蟹有齐哂D手手脚脚，唔似得其他餐厅嘅软壳蟹上枱一旧旧唔知咩嚟，而且份量足够，外脆内软，满意.蒜蓉粉丝蒸蛏子皇够鲜嫩，系第二道满意菜式.落单时忘记咗要求多咖哩汁，担心唔够汁点蒜蓉包，点知担心系多余，咖哩汁多到要打包! 当然咖哩汁系好味先打包啦，有
想当年唔食饭都要悭钱买高达模型同杂志! 仲要买砌模型工具!
女友小熊无跟我一齐去朝圣，同样佢入去廸廸尼维尼熊朝圣，我都唔会跟住去.
朝圣完后，小熊见我身在南区，就约我去哩间蟹点开餐，佢话一早已经想同我嚟蟹点帮衬，最初唔明点解，食完就明哂!
一去到餐厅，未入门，已经被个露台位吸引，因为地方超阔落，啱哂我哩D烟民!
入到餐厅同样环境阔落!
菜式多到居然要两本 Menu，而且菜式多到眼花撩乱，有中式小菜有泰式菜有潮州打冷又有海鲜，合心水菜式极多，我同小熊好多小菜都想食，但肥肚腩得两个! 心大心细左拣右拣谂咗好耐先决定到食咩!
嚟到蟹点当然要食蟹啦，点咗份咖哩肉蟹同蒜蓉牛油软壳蟹，当然要配埋蒜蓉包点咖哩汁食啦，仲有蒜蓉粉丝蒸蛏子皇.
居然仲有我大爱沙冰! 二话不说，菠萝沙冰!
首先炸软壳蟹有齐哂D手手脚脚，唔似得其他餐厅嘅软壳蟹上枱一旧旧唔知咩嚟，而且份量足够，外脆内软，满意.
蒜蓉粉丝蒸蛏子皇够鲜嫩，系第二道满意菜式.
落单时忘记咗要求多咖哩汁，担心唔够汁点蒜蓉包，点知担心系多余，咖哩汁多到要打包! 当然咖哩汁系好味先打包啦，有浓郁咖哩香味之余又唔辣，夹自己口味，肉蟹足一只同样有齐哂手手脚脚，蟹身又大只，蟹肉丰富又鲜嫩，掂!
温馨提示 : 食咖哩蟹最好著黑衫裤! 我食蟹时唔小心弹到D蟹壳上件衫，又试过唔小心跌咗只蟹落条裤，好彩衫裤系黑色唔发觉!
小熊话鬼我，食到咁唔小心点带我去上流社会呀! 我话我唔要上上流社会，我要去下流社会!
我地坐近餐厅出菜位，见到经常出一D大大份嘅菜式，我地唔知系咩菜，但一大盘一大盘好有台型好吸晴! 又见到佢地出D铁板菜式，铁板餐第一关就系铁板要够热，发出咋咋声，蟹点出D铁板菜不单只咋咋声，有两次见到铁板菜D烟多到好似火烛，好夸张!
餐厅心思亦不少，别家餐厅菠萝沙冰都只系果汁加打碎嘅冰，但蟹点又会系沙冰上放几粒菠萝，别家生炒骨用罐头菠萝片，蟹点用嘅系鲜菠萝，所以好多枱客都点哩款生炒骨，隔离枱都点咗，我地偷拍咗一张!
食完就深深明白点解小熊话一早想嚟帮衬! 原本以为平平无奇嘅一餐，点知惊喜处处，系今年帮衬过最满意嘅餐厅，必然会再嚟帮衬!
感恩小熊好介绍!
蒜蓉粉丝蒸蛏子皇
12 浏览
0 赞好
0 留言
蒜蓉牛油软壳蟹
26 浏览
0 赞好
0 留言
咖哩炒蟹
22 浏览
0 赞好
0 留言
张贴
