Harbour Grand Café

营业中

休息中

今年四月已經食咗一次君綽海逸酒店， 6月想帶啲朋友去食龍蝦又諗起佢。 海逸酒店畀我感覺係近地鐵呀，野食夠新鮮啦， 不過坦白講食咗幾次就驚喜欠奉，但貪佢食品質素夠穩定。 不得不提既係次次食親，都發覺佢啲職員好快手就會收咗你枱面上嘅吉碟， 感覺係快手好亦都唔係催趕你嘅。 佢都係香港幾間我覺得性價比高，有蠔，有長腳蟹，有龍蝦嘅自助餐。 可能年紀大，唔食得太多生冷野，而且嗰啲蠔多數都係細隻同埋瘦嘅。因為朋友喺自助餐好少食龍蝦，梗係諗起依間啦，朋友一坐低就攞咗成三四十隻長腳蟹腳， 一坐就坐咗成個鐘慢慢食。 我因為四月先食完，而且熟曬地方， 我梗係唔會放過佢嗰個大蝦同帶子刺身，今次好犀利喎，將所有刺身都習咁擺埋一個盤度， 影相都幾靚。長腳蟹，麵包蟹，螺，同埋蠔都唔想食得好多，龍蝦食咗兩隻啦。 我反而比較鍾意個捉粥，同佢鴨肝。 佢啲咖哩都一般啦，咁呀燒味既叉燒同雞都一般啦。呢間嘢除咗刺身同埋凍食比較新鮮之外，坦白講都係食感情多。睇相引下大家先。