板燒郎燒肉鐵板放題料理專門店 (已結業)

我系前几日已经订左10位。今日一去到就可以入座，佢地就俾左一间大房我地，任我地玩到几疯都得。我地一坐低就开始叫野食，佢地嚟野都嚟得几快，生野一嚟到就帮我地开炉俾我地烧野，完全唔会晒食客时间。人手又充足，好快就收左我地食完嘅野，服务态度都几好，生日个个仲会有神秘礼物送俾佢，就算有蛋糕食都唔会赶你走，等你开开心心食埋先。啲野食好好味，我地叫左生蚝、拖罗、元贝、鹅肝、青口等等，啲生蚝、拖罗同长脚蟹好新鲜，啲菜式选择都好多，除左一般放题有嘅日式菜外，仲会有泰国菜：有生虾、鸡丝粉卷、虾饼、鱼饼等，仲要大部分叫左嘅都有嚟齐。我地几个食完之后都话下次大时大节都会再嚟。佢地仲话呢到有蒸气火锅，我谂我地下次会嚟试下呢个蒸气火锅。