上海小聚 (已結業)

朋友迟到，只好揾间野食住等啦。平日两点几入座，都有几台客，相信都食得下既。等人谷鬼气，叫左凉拌既爽爽佢，日式北海道带子和风芥末汁配稻庭乌冬套餐。相入面有日式汤品，但现实得葱花猪骨汤，系上海面铺有日式野食算系咁啦，而且汤底几香。小食择左陈醋云耳略为唔够味，不过不失吧。带子唔系好大粒，反而配菜好多，酱汁都几好味，算对得住个价钱。食左几啖朋友都到左，嗌左个招牌韭菜鲜肉饺子套餐。比我抢左粒饺同甜品黎食😜饺子肉碎唔多口感有渣，但皮同汤底救返，不过不失啦。甜品芝麻汤丸反而有惊喜，如果可以单点一份黎食就好啦。总括OK既，下次经过会再帮衬捞乌冬～