MY串寶

营业中

休息中

今日收工经过光辉围发现原来开咗间烧烤串烧店舖，因为平时收工回家都比较夜，所以餐厅种类选择比较少，见到呢间铺都仲未收铺，抱住一试嘅心态试下，种类唔算太多尼，但都唔算少，价钱都算公道。因为我买嘅时候已经差唔多凌晨1：15分。所以我问有咩会冇得叫，个间店员好有耐性话基本所有食物都有，某些食物可能要烧得比较耐，问我介唔介意可能要等10几至20分钟，我叫咗烧腐皮串，鸡肉串，猪颈肉串，烧生蚝，烧元贝加店员推荐烧布朗尼。我企起门口等，店员攞咗张櫈俾我坐住等，仲俾咗张传单话下次如果想食可以提早打电话order 就唔洗等咁耐。我攞嘅时候佢同我讲今日送多2串俾我试下，1串牛丸加1串鹌鹑蛋俾我，因为佢哋差唔多收铺，我觉得唔好意思，因为自己拣烧生蚝同帆立贝，原来贝壳类会烧嘅时间比较耐，住人收工，佢仲不但冇唔耐烦仲送多2串俾我。真系多谢哂。好耐都未遇见咁nice嘅后生。