金御海鮮酒家 (已結業)

上星期我个助理开到口想我请食饭，无所谓啦 ~ 就决定今日成 term 六个人一齐饮茶食午饭联谊吓啦，一餐半餐、大家高兴，我请绝对无紧要，大家起筷食多啲，虽然今日我请客，但我唔发板喇 ~ 有咩觉得好味既，就随便叫黎试吓啦 ~ 我都系第三次黎依度乍 ~ 但试真讲句，出品既质数真系好飘忽，时好时坏，系天堂同地狱之分 ........蒜香拍青瓜，真系好好食，每条青瓜真系有拍过，又新鲜爽口又入味，酸酸甜甜好开胃，冷盘又够冻，好多餐馆求其掉堆生蒜蓉系面就算架喇，连捞都懒捞。暂时食过最好食既，系系度 ﹗奶皇流沙包，因我一向都唔太好甜野或饮茶食包。今次系第一次食流沙包，好香蛋味，未算太甜，可以接受，口感滑滑的，又热辣辣，感觉唔错，几好。炸云吞，唔系锦卤𠮶只，虾弹牙、云吞皮炸得脆，汁普通，无特别。蚝汁花生鸡脚，都炆得够耐，鸡脚够胶口软棉滑溜，一啜就去晒骨，够晒快感。爉味糯米饭，味道好香，口感咽靭，其实好好味架，但最失败系湿嗒嗒呢，唔洗放落口，净系睇已经见到亮立立，卖相麻麻，颜色程深啡色 ~