德興酒家 (已結業)

今日老板心情好，突然请大家食午餐。我地更系开心到死啦，一大队人(约10个)一齐出去饮个茶。为咗就老板同啲要去湾仔开会的同事，我地就去咗湾仔饮茶。德兴啲点心都唔错，佢唔系蒸咗好耐出晒水果啲，而系正到刚刚好。佢的用料好新鲜，啲烧卖同虾饺都系皮薄料靓，个卖相都唔错。个叉烧菠萝包，个皮好好味好香脆，啲料好多汁。牛肉球又好鲜嫩，仲有就系个鱼汤米线，个汤好甜。成餐饭都好好食，多谢老板。