20•越南粉

营业中

休息中

今日同妈咪经过崇洁街，咁啱见到新开嘅越南餐厅 ，夏天真系太热，入到去第一个感觉系冷气真系透心凉，好少餐厅冷气开咁大。食物方面嗌咗$68新鲜手切牛柳汤河粉，一上来嚟就系清淡嘅汤，辣椒、香料叶子、薄荷叶倒入去，挤上柠檬汁，越食越有味道，啲生牛柳食得出系好新鲜，河粉都好顺滑。另外嗌左佢哋嘅招牌$65河内烧猪肉捞檬，大大碗劲抵食，猪肉、猪颈肉、猪肉丸、有啲香茅整到啱啱味道好足，食落一啲都唔油腻，配合埋佢旁边嘅薄荷叶同埋酸甜汁汁，好快就食哂。饮品方面妈咪就嗌咗$18越式特色冻青柠茶，饮落去好清新。钟意试新嘢嘅我就嗌咗$32牛油果沙冰，沙冰好足料，唔会饮到太多冰。