影片
更多
2021-07-26
394 浏览
今次系第二次帮衬，叫埋老公一齐去试，点知老公未开餐已经嬲爆爆（25/72021）（6-7pm)今年七月经过呢个商场，发现呢间意大利饼店餐厅，外貌好似好吸引，喺7月19号中午接近2:00 ，我自己一个去食午餐set ！好似话蛋糕系亮点，百年老店⋯⋯但真系冇咩特别！琴晚谂住带埋老公试吓，俾多次机会佢，点知就出事，原来系店大欺客，老公早15分钟坐低，侍应劈低个餐牌，就企埋一边倾偈，当时起码有四个伙计， 餐厅得四枱客，过咗10分钟，老公忍唔住，挥手叫个女侍应，问佢哋有收+1服务费，佢话收服务费，老公问点解冇服务，要求佢比两杯水，原来攞两杯水要等10分钟，一定要挥手叫佢俾先有！我到步之后，发现侍应大哥大姐，继续企喺水吧西饼柜旁边倾偈，眼尾都唔会望下啲顾客，突然听到坐餐厅外围边卡位女顾客大叫：「唔该………」（呢间餐厅一眼见晒，其实系好细，得十几张枱）！老公见到佢挥咗手好多次，冇人理佢，所以佢大叫咗两三次，请啲侍应大哥大姐，攞牙签埋单⋯⋯因为睇到呢间餐厅啲食评，不尽不实，蛋糕试咗两件，真系冇办法食得晒，系完全唔好食，咖啡一般！米兰咖啡都饮唔晒😖呢班侍应可以炒咗一半，包括四眼身材高瘦经理，我肯定呢间意
今年七月经过呢个商场，发现呢间意大利饼店餐厅，外貌好似好吸引，喺7月19号中午接近2:00 ，我自己一个去食午餐set ！好似话蛋糕系亮点，百年老店⋯⋯
但真系冇咩特别！
琴晚谂住带埋老公试吓，俾多次机会佢，点知就出事，原来系店大欺客，老公早15分钟坐低，侍应劈低个餐牌，就企埋一边倾偈，当时起码有四个伙计， 餐厅得四枱客，过咗10分钟，老公忍唔住，挥手叫个女侍应，问佢哋有收+1服务费，佢话收服务费，老公问点解冇服务，要求佢比两杯水，原来攞两杯水要等10分钟，一定要挥手叫佢俾先有！
我到步之后，发现侍应大哥大姐，继续企喺水吧西饼柜旁边倾偈，眼尾都唔会望下啲顾客，突然听到坐餐厅外围边卡位女顾客大叫：「唔该………」（呢间餐厅一眼见晒，其实系好细，得十几张枱）！
老公见到佢挥咗手好多次，冇人理佢，所以佢大叫咗两三次，请啲侍应大哥大姐，攞牙签埋单⋯⋯
因为睇到呢间餐厅啲食评，不尽不实，蛋糕试咗两件，真系冇办法食得晒，系完全唔好食，咖啡一般！米兰咖啡都饮唔晒😖
呢班侍应可以炒咗一半，包括四眼身材高瘦经理，我肯定呢间意大利餐厅嘅管理层出咗问题，成侍应系到倒米！
海鲜意粉味道系OK，但系意粉少得可怜🥺
老实讲，服务侍应态度差，你啲饼几好食都咪搞，何况啲饼点真系好一般！
迷你饼点，一买要12件$128 ，系咪当人傻嘅，呢啲系乜嘢销售政策🧐
意大利人做生意系咁样嘅咩？
我喺米兰Cova饼店，行入去，随意买两件迷你饼点1.5欧罗一件，加杯咖啡，企系到即刻食！不知几爽⋯⋯
真系祝呢间饼店餐厅好运👍🏻不要再当荃湾街坊顾客喺傻瓜瓜⋯⋯
正因为我喜欢食甜品糕点，所以俾多次机会，呢一间餐厅，点不知更加失望，食到一肚气，亦都发现食评不尽不实！
第一次嘅蛋糕比第二次嘅蛋糕好食，但亦不能令我回头，不好意思，我唔认为系百年老店跨啦啦嘅出品，最令人不能回头嘅，系招呼不周，服务不佳！令人无法享受该餐厅嘅气氛食物❗️
张贴
