影片
更多
2016-05-18
828 浏览
我估唔到竟然有间咁难食嘅楼上cafe仲有咁多「好」评。我一班17个同学，叫左Party set A。我谂唔明点解啲食物质素仲可以差过啲叮叮饭。食物份量少，我谂几多个去都系得咁少。食完同无食无分别，就连平时细食嘅女仔都系咁觉得唔够。份量少不在话下；意粉、通粉同饭全部都系攞啲急冻青豆+急冻红萝卜+罐头粟米同罐头菇，纯粹系加埋啲茄汁捞埋就算鬼数，味道我谂老麦都好佢几十倍。小食都叫冇咁差，但唔系好。得鸡翼同薯角正常少少叫做食得落口。不过啲急冻咖哩角落油炸到攞成叠纸都索唔晒。然后啲饺子又求求其其煎左落啲烧汁同沙律酱就算。饮品呢，完全系啲现成糖浆加水沟出黎，啲味道胶胶。饮落肚就好似饮啲化学物质咁款。成个set用垃圾黎形容都益左佢。最令我反感嘅系啲所谓「高质」服务。十分恶劣！新人都叫nice有礼貌。但一个明显系做熟嘅waitress，态度差到极点。对客人都可以藐嘴藐舌。一黎到佢就揼啲纸杯纸碟同胶叉，十分「良好」呀啲态度。环保意识仲非常「高」！落order只准叫一group set 或者全部人分开叫dinner set。 但系佢叫啲group set又唔够全部人食。啲野食上枱嘅速度同时间完全想点就点，
我一班17个同学，叫左Party set A。
我谂唔明点解啲食物质素仲可以差过啲叮叮饭。食物份量少，我谂几多个去都系得咁少。食完同无食无分别，就连平时细食嘅女仔都系咁觉得唔够。份量少不在话下；意粉、通粉同饭全部都系攞啲急冻青豆+急冻红萝卜+罐头粟米同罐头菇，纯粹系加埋啲茄汁捞埋就算鬼数，味道我谂老麦都好佢几十倍。
小食都叫冇咁差，但唔系好。得鸡翼同薯角正常少少叫做食得落口。不过啲急冻咖哩角落油炸到攞成叠纸都索唔晒。然后啲饺子又求求其其煎左落啲烧汁同沙律酱就算。
饮品呢，完全系啲现成糖浆加水沟出黎，啲味道胶胶。饮落肚就好似饮啲化学物质咁款。
成个set用垃圾黎形容都益左佢。
最令我反感嘅系啲所谓「高质」服务。十分恶劣！新人都叫nice有礼貌。
但一个明显系做熟嘅waitress，态度差到极点。对客人都可以藐嘴藐舌。一黎到佢就揼啲纸杯纸碟同胶叉，十分「良好」呀啲态度。环保意识仲非常「高」！落order只准叫一group set 或者全部人分开叫dinner set。 但系佢叫啲group set又唔够全部人食。啲野食上枱嘅速度同时间完全想点就点，钟意就上。由8点钟到坐低落order，碟鸡翼可以delay左成90分钟先黎。
临尾想话成班同学影个大合照，问佢帮手影下相。哗，佢个样仲黑过黑雨。黑面都算啦，佢影完相黎手就揼低部电话落张梳化到。佢咁样样嘅态度系咩料？
我心谂：咁嘅野食都要咁贵，价钱每人$128加一服务费，原来佢咁「好」嘅服务态度都可以收服务费。
我以后都唔会再黎呢间连垃圾都不如嘅cafe
张贴