旺泰特食

营业中

休息中

星期日一行四人行山行到去西贡，已经一点半左右。好肚饿，所以求其入左去呢间餐厅，入到去得几个人。点左炒金边粉、菠萝海鲜炒饭、泰式拼盘大、泰式串烧猪牛鸡各两串、香茅虾沙律同埋四个椰青。点完菜两分钟碟炒金边粉就送到。好明显系预先炒定，上到黎只系好微暖，感觉唔好。跟住黎个菠萝海鲜炒饭，啲饭好湿，好难食。顺带一提，个菠萝底有啲疑似被铁匙羹笃过既痕迹，个菠萝系唔系重用，大家心中有数接住黎既系个泰式拼盘，香叶包鸡完全无味，而个春卷卖相差兼且好难食之后到香茅虾沙律，咸到痴线最后黎个泰式串烧猪牛鸡各两串。一黎到，见到六串都一样样，就叫返落单个侍应黎。我问边串系猪、边串系牛、边串系鸡。佢走去望一望电脑返黎，然后竟然无赖到话佢听到我话全部要哂鸡，我地四个都话点既时候系讲明猪牛鸡。要求佢换或退，个侍应竟然话烧左出黎系无得换或退！！ 今时今日竟然仲有咁既服务、咁无赖既餐厅，仲要屈落个客到，真系嬲爆 间餐应咁既手法，佢随时每次都可以赖落个客到，话个客点既，然后话因为已经煮好左无得退无得换，咁就可以屈个客硬食俾钱！！！ 最后，最正常嘅就系椰青，但啲椰子肉都好硬食餐饭食到成肚气，夜晚喉咙仲要劲干，好可能落左唔少味精。