金翠苑

营业中

休息中

这家酒楼，去过几次，不过不失，本来都可以继续光顾，但今日发生左件”小事”，令我不吐不快。本人很讨厌芫茜，所以通常唔确定菜式有冇芫茜都会问清楚或者问有冇得走芫茜先会叫。今日想食叉烧肠，就先问下侍应有冇芫茜，佢重大大声话无写香茜嘅唔会有，或芫茜都唔平架。好啦，咁我叫啦，来到之后，一如所料，整碟肠粉都布满芫茜，然后我整碟都无掂过啦。个问题系我同个部长讲番件事，佢连一句对唔住都无讲，亦无提出任何解决方案。可能有人会觉得好小事，但态度好重要，碟肠粉唔值几钱，你帮我换或免左我呢个碟钱，就算真系唔得，对唔住都要讲句啦。而家系佢地内部问题，搅到我浪费左钱又食唔饱，想叫其他野食都唔益佢。可能佢觉得个客唔嘈就算，但我呢种客系我永远都唔会再去。真系想讲句，今时今日，咁嘅服务态度系唔得架。