影片
更多
2018-09-02
994 浏览
在OpenRice 睇到咁多负评，都有dd 心理准备。但见图和佢哋"好耐之前"的网页，又觉得这地方几有特色，所以约了几个姊妹来聚一聚。点知真的中伏。。。首先讲食物系ok，环境系ok,星期六七点至十一点都坐唔满，当然ok。但系有原因的，稍后解释。最unacceptable 的也是最重要的，是这里服务态度奇差，正如其他留言者所说。首先，回想订位的过程已很吊轨。我以为正常呢d cafe星期六晚一定系劲full,所以我星期一已打去book位。我问电话那位小姐，可唔可以坐冇band的那层，佢话，现在已没有band表演了。咁我即是坐边层？佢话，你到时来到就知! 同埋，本身你系冇得拣层数!现在回想，其实订位呢野已经feel到有伏味。到左琴晚，终于去左呢间以为可以呼吸的.cafe,因为我唔知自己坐边层，所以就上左二楼。个侍应几nice,走埋来问我几多位，我话book左五位，宜家改四位，咁佢就叫左我上三楼啦。当时七点，我见二楼都有d full,咁就谂，上三楼都系应该嘅。上左三楼，哗，正啊，冇人咁滞，只得两张二人枱有人! 星期六㖞，旺角㖞，夜晚七点㖞中途有一班年轻人，六七个行了入来。点知有个waitre
首先讲食物系ok，环境系ok,星期六七点至十一点都坐唔满，当然ok。但系有原因的，稍后解释。
最unacceptable 的也是最重要的，是这里服务态度奇差，正如其他留言者所说。
首先，回想订位的过程已很吊轨。我以为正常呢d cafe星期六晚一定系劲full,所以我星期一已打去book位。我问电话那位小姐，可唔可以坐冇band的那层，佢话，现在已没有band表演了。咁我即是坐边层？佢话，你到时来到就知! 同埋，本身你系冇得拣层数!
现在回想，其实订位呢野已经feel到有伏味。
到左琴晚，终于去左呢间以为可以呼吸的.cafe,因为我唔知自己坐边层，所以就上左二楼。个侍应几nice,走埋来问我几多位，我话book左五位，宜家改四位，咁佢就叫左我上三楼啦。当时七点，我见二楼都有d full,咁就谂，上三楼都系应该嘅。
上左三楼，哗，正啊，冇人咁滞，只得两张二人枱有人! 星期六㖞，旺角㖞，夜晚七点㖞
中途有一班年轻人，六七个行了入来。点知有个waitress 就问佢地，有冇book位，原来佢地系walk in,咁个waitress就叫佢地去返二楼。那时我才知原来系有分walk in 和订位的层数，咁我谂，可能八点之后就好热闹好多人呢，但后来先知点解会咁分。。。
以为揾到个世外/桃源，点知好戏在后头。。。
唔叫野前还可以，一开始食野就🔥🔥🔥🔥
最初我们叫了炸薯条，我有个朋友是茄汁控，于是我们问一个黑色衫waitress (就系呢个黑面神赶客)想另外叫一碟ketchup, 佢竟然9秒9就话，"吓呢碟已经好多啰㖞，你不如食咗先啦，唔够先再加"。话哂我哋系客，佢好似我地阿妈咁款去say NO,真系打个突。
我朋友已开始有微言，不停咁在我地面前话𠮶个黑面神。我地最初反而劝个朋友，唔紧要啦，其实都几多茄汁啦，出来食野开心就得。
等到其他野来到，我地想有四只碗方便食野，都好正常啫。叫了黑面神(其实都唔想成日叫佢，除左水吧有个男仔外，就只有两个waitress, 一黑一白衫，但白衫𠮶个成日唔知去左边，唯有迫住叫黑面神)。佢听到我地要碗，就粒声唔出走去攞碗。
好啦，之后又来了pizza,我朋友又想加芝士粉。黑面神即刻话，"我地冇芝士粉".。吓？一间有意粉卖的cafe冇芝士粉？？你信吗？？？
这时，我地都开始觉得好奇怪，我朋友就更直接同我地讲，佢肯定唔系冇芝士粉，系唔想俾啫。
虽然系咁，我哋都继续忍，再order左甜品，是一份泡芙，一件NY cheesecake, 和一份朱古力雪糕waffle,谂住见个menu的甜品好似好吸引，食埋开开心心就算。到落order时，才知泡芙是"季节限定"(但唔知边个季节，冇写，系由佢地控制吧)。跟著，过左十分钟左右，黑面神"好开心"笑住咁行过来讲，"我同大家讲个坏消息，系waffle已经卖哂"。我问，系几款waffle都冇哂？佢就好肯定讲个"系"字。
其实我地大家都feel到大家在谂咩，所以已经冇再叫其他甜品，就等唯一可吃的cheesecake, 然后就走人。
Cheesecake 来了，但我哋之前吃主菜的碗呀叉呀全部冇人收，等了好耐，我地将那些碗和刀叉都放在装饰的另一张枱上，咁白衫waitress见到终于行过来收哂。但冇人再俾叉和碟我哋，我哋想要share 件cheesecake 。
又唔知等左几耐，黑面神又出现，我哋就叫住佢，其实一直都好礼貌，问佢俾叉同碗或碟。佢竟然好惊雅咁话，"吓,又要四只!"
讲到呢度已经唔想再讲 之后我哋发现原来呢个黑面神系负责埋洗碗 咁我哋到返转头谂就完全明白晒 点解佢最初叫𠮶班walk in嘅人落番楼下 点解佢话冇waffle 点解佢最尾串我哋要攞四只碗。。。 就系因为佢唔想洗咁多碗!!!!
最后我哋亦都明白 点解佢𠮶层到11点都依然冇坐满人。
相信以后旺角其他餐厅都冇晒位 我哋都唔会再嚟。
张贴