影片
更多
2012-04-01
191 浏览
今日我哋一家三口入去赤柱, 行到成三点几, 都系时候医肚同休息一下喇. 见呢间食店睇落都OK, 就入去试下.叫咗三个下午茶餐+冻饮 (各$32.00) 鸡丝金边粉--金边粉爽滑, 鸡丝味道有啲怪, 好似有少少醋酸味, 但可接受. 牛根越南河粉--河粉比金边粉粗少许, 林林滑滑. 牛根都OK. 香茅猪扒乌冬--猪扒无香茅味, 反而似烧猪颈肉嘅味. 我本人就无咩所谓, 仲觉得几好味. 但对一啲喜爱香茅嘅朋友相信会失望.埋单$96.00
题外话/补充资料：
--当日我哋一入食店, 看见门口得一张大枱, 因我哋连百厌仔都系得3个人. 所以有些犹豫, 3个人霸张大枱惊比人话. 想行入啲睇下有无细枱啫. 个阿姐就问我几多个, 我答3个, 佢就话 "门口张大枱咪得啰, 拣咩呀拣, 枱都要拣" 哗! 阿姐使唔使咁寸呀. 如果得我两公婆, 我一定即走, 但拖住百厌仔.. 费事两头走. 算! 忍你!
--到落单喇, 一举手今次系个阿哥埋嚟, 黑晒面咁企喺我侧边. 我一路落ORDER, 佢就黑住面一路写, 写完掉低张单喺枱就行开, 全程一句说话都无讲过. 如果唔系听到佢同其他同事打牙骹, 我真系以为佢系哑添.
赤柱系个著名游客区, 今时今日咁嘅服务态度, 简直岂有此理......不知所谓!
(以上食记乃用户个人意见 , 并不代表OpenRice之观点。)
张贴
