發記甜品 (已結業)

好多年前甜品铺唔似宜家开到好似便利店咁，周围都系，想食甜品，发记就系最佳选择，排队排成个钟先有位。佢既招牌芒果、榴连pancake，杨枝甘露真系超好食，佢仲有啲小食，老水鸡翼亦都系必点。但自从开左分店之后，试过分店既甜品，质素真系大不如前...相隔多年，咁岩去左深井陈记食饭，家人决定去发记食埋个甜品。假期既夜晚9点完全唔洗排队，坐位都好阔落下。叫左热蛋白炖鲜奶、芝麻糊蛋白炖鲜奶、杨枝甘露、朱古力梳扶里。全部都细细份咁，个蛋白炖鲜奶完全唔热，似一早整定摆左落雪柜再返热，杨枝甘露有苦涩味...最正常系个梳扶里，睇落都几靓😋😋食完真系有啲失望...