火滾肥牛海鮮火鍋專門店

营业中

休息中

精神奕奕嘅一日，突然之间好想食打边炉，于是打完麻雀之后就同埋班麻雀脚一齐去食。呢度啲汤底好多好特别，我哋就叫咗一个清汤牛腩汤底， 因为咁样嘅汤底又有得食，又有得打边炉，仲有牛腩食，而且料都好多有红萝卜，又萝卜咁样，睇上嚟到正，未到就更正，牛腩又大件又够淋又够好味。四个女人就唔会嗌好多嘢食，只会叫真系真心钟意嘅， 我同 阿冰 都钟意食肥鹅肠，问个老板个老板好似话今晚啲鹅肠几靓，所以就叫咗嚟食， 都睇得出啲鹅肠系有肥膏嘅，616就食，非常正。朋友 阿瑛 就钟意食蚬，所以我哋有叫咗啲蚬嚟食，啲蚬大大只又冇沙， 味道又鲜又甜，好好食。我哋四个都钟意食牛肉特别系 阿芳， 而且我哋一定要叫啲嘢食去到好下佢，因为佢今晚输得好紧要， 牛肉又新鲜又靓，食起上嚟好有牛肉味道， 呢间铺头的牛肉佢话系手切嘅，我哋都信因为都好好食， 最好食系牛肉。