影片
更多
2010-09-20
110 浏览
寻晚蝗虫家庭聚首一堂出外食饭做节,席间大姨话早两晚,佢"波士"豪请左公司同事去左"为食总司令"()个帜哥0个间龙皇食饭庆中秋~我不禁讲声:"哗~你波士都几阔佬wor", 话哂都系星级食府,闲闲地每人都五、六旧水落楼走唔甩~ 大姨话: "贵系贵,不过d野食就真系唔错wor" (实情最紧要都系唔驶自己俾钱有得食好野) 大姨知我有0系openrice写开食评, 叫我代佢同大家分享下~ (佢话自己唔识打字) 所以...以下食评全由大姨口述, 我代笔...当晚套餐每位$488,内容如下:红酒一杯- 就算唔系好识品酒...但入口都feel到系好野~! 识叹红酒波士都话得~!生拆蟹皇翅- 正! 翅0既浓度调较得刚刚好~!冇好似好多其他酒家0既翅咁"杰挞挞",呢个好易入口, 味道又够香浓, 系杰出之作~!蚝皇扣原只澳洲四头鲍鱼- 正x2~! 鲍鱼够入味, 够"淋"得0黎依然不失咬口~口感好好~食到成枱人嘴lam lam~炸蚝- 后来睇返先知原本menu 系砵酒焗石蚝,但改左做炸蚝~ 外层炸得脆卜卜, 内里0既蚝依然肥润, 腥味唔重, 就算平日唔多好食蚝,都觉得好味! 香草汁烧肋骨-似西式野,但唔算太
当晚套餐每位$488,内容如下:
红酒一杯- 就算唔系好识品酒...但入口都feel到系好野~! 识叹红酒波士都话得~!
生拆蟹皇翅- 正! 翅0既浓度调较得刚刚好~!冇好似好多其他酒家0既翅咁"杰挞挞",呢个好易入口, 味道又够香浓, 系杰出之作~!
蚝皇扣原只澳洲四头鲍鱼- 正x2~! 鲍鱼够入味, 够"淋"得0黎依然不失咬口~口感好好~食到成枱人嘴lam lam~
炸蚝- 后来睇返先知原本menu 系砵酒焗石蚝,但改左做炸蚝~ 外层炸得脆卜卜, 内里0既蚝依然肥润, 腥味唔重, 就算平日唔多好食蚝,都觉得好味!
香草汁烧肋骨-似西式野,但唔算太特别~
海虾泡菜苗-海虾虾味足, 但菜就略嫌唔够嫩~
椰汁炖官燕- 个人觉得椰汁味太浓, 但喜欢椰味0既人应该觉得好正~
环境方面...装潢都算几有气派, 但因为多枱所以好似逼夹左少少, 好在0个晚坐0个张枱同隔离枱中间有幅薄纱隔一隔围一围, 都叫有返d私人空间feel~ 虽然张枱离窗有段距离, 但都望到个无敌靓海景,如果可以坐窗位应该正好多~
至于服务...都唔错, 人手充足, 有几个waiter serve一张枱, 唔会话"叫天不应"咁~
总括0黎讲, 龙皇0既消费确系高, 话哂都有返咁上下名气派头,但系论食物, 论环境都叫系物有所值0既~
P.S. 鸣谢大姨提供埋相片,但由于挂住食,未能味味糇都影, 敬请见谅~
张贴
