金田家 (已結業)

Yoho Mall开左间金田家食拉面，早前都想试，今晚终于过黎试下喇。内里灯光光猛，装修颇有时尚感，喜欢吊落黎嘅波波灯。厨房位置为开放式，用左日本酒做布置，加强日本气氛。每张枱放有杯子，餐具和柠檬冰水，最贴心系个柜桶，用黎放手袋，好喜欢喔～😍猪食豚骨鸡白汤拉面，朋友食黑豚拉面，另外我地叫左个大将饺子同唐扬鸡块。只要喺菜单上剔选自己想食嘅野就可以，面嘅硬度同葱嘅份量都可以选择，猪比较喜欢呢种模式点餐，可以避免遇到黑面姐姐，问多句等多阵都唔耐烦。顺道一赞呢度嘅店员，有礼貌又好笑容，我地2个大乡里唔识开波子汽水，店员哥哥好乐意教我地，今晚又长知识喇，哈哈🤣黑豚拉面嘅猪骨汤底，汤味香浓，但入口唔会咸，刚刚好。拉面拣左普通硬度，面系幼身，朋友觉得面质唔错，够弹牙。豚肉好香，份量都唔少，唔会老同韧，几好食。豚骨鸡白汤拉面，奶白色既汤底充满鸡肉精华，汤底真系有鸡味，朋友笑猪低能，但猪真系食到，而且都几香，够浓又唔会咸。猪碗拉面面身比较粗，软硬适中，唔错。唐扬鸡块每旧都好大，炸粉唔会太厚，啖啖肉，外层脆卜卜，内里鲜嫰。不过朋友嫌油腻，食左一够就冇食。大将饺子肉馅满满的，初时觉得有点㶶，但食落又唔会太觉