回到味來 (已結業)

朕今日出巡旺角，巡到饿饿地又热热地之际，一个醒目既随从提议不如打个边边，正所谓愈惊就愈要克服佢，愈热就愈要食火㶽！无言。。。。。。如是乎朕就同一众随从去左（回到味来），穿越左炎热既旺角，上到黎，朕第一时间就紧系叫冰冻既啤酒解解暑，消消热啦！120蚊半打，咁低 － 饮死人咩！跟住就紧系㨂汤底既时间啦，随从话想食鸡，朕就叫左米走鸡过佢，再叫埋个南瓜汤拼海鲜拼盘，跟手再叫埋手切牛颈脊，回到味来手打牛拼盘，黄金软壳蟹，养颜花胶，手工鲜虾云吞。朕先试下个南瓜汤底，饮落几厚身，又有浓浓既南瓜味，而拼盘内有虾蟹，蚬，鱿鱼和贵妃蚌，朕就觉得贵妃蚌最鲜甜弹牙！而米走鸡汤底亦落足料，有红枣，杞子，怀山，比其他醉鸡锅更香浓，鸡肉嫩滑，有淡淡既酒香，配埋手切牛颈脊就更加衬托出佢香浓既牛味！而回到味来手打牛拼盘，用上十成十纯牛肉，爽滑弹牙，直头好食过濑尿牛丸啦！黄金软壳蟹外面脆卜卜，里面香滑嫩，配埋冰冻既啤酒，简直一流！食到差不多之际，店小二话而家只要Like FB，就送过甜品 － 姜茶水中花，因为制作需时，最好预留十分钟制作，咁随从就紧系第一时间做野啦！姜茶水中花，个豆花好香豆味，而个姜茶超浓烈，完全识合寒底