影片
更多
2024-06-13
4232 浏览
🥢旺角 今期流行 ‼️ 连Avantgardey 都去的超正麻辣鸡煲招牌沙嗲浓汤 任食手切牛肉火锅店 🥢最近去了位于旺角的一间火锅店，之前一直已经好想去，因为主打招牌麻辣鸡煲 ,沙嗲汤底，仲有超疯狂嘅任食手切本地牛肉，最近见到爆红女子舞团 ,跳今期流行嘅 avantgardey 都去咗打卡跳舞，就知道系几咁有人气，装修风格用上香港复古风，最欣赏就系有整排火水炉同埋夜总会disco 打卡位，好有旧时香港风情，啱晒同班朋友去打卡🥢CEO 套餐$398 / 位 (120 分钟）非常推介食呢个餐因为可以任食4款手切牛肉部位，同一款西班牙黑毛猪，平时出面食一碟都唔平，真系可以疯任食系幸福嘅🥢前菜 共有三款，包括椒盐烧卖，脆皮午餐肉，盐酥鸡， 全部即炸脆卜卜的，最钟意系脆皮午餐肉，厚切又够脆，就咁食又得，浸落鸡煲到会变成内脆外软非常正🥢招牌麻辣鸡煲麻辣鸡煲鸡非常滑又够真材实料啖啖肉，麻辣鸡汁味道够香够麻辣，味道系自家调制味过，味道几有独特风味而且好浓，最钟意入面事先已加入索汤猪皮，爽弹新鲜猪肚，猪大肠，一滚起就食得🥢锅底六选一今日拣了招牌沙嗲汤，真系超级正，完全系我心目中要嘅嘢，够晒香浓够晒香，用
🥢最近去了位于旺角的一间火锅店，之前一直已经好想去，因为主打招牌麻辣鸡煲 ,沙嗲汤底，仲有超疯狂嘅任食手切本地牛肉，最近见到爆红女子舞团 ,跳今期流行嘅 avantgardey 都去咗打卡跳舞，就知道系几咁有人气，装修风格用上香港复古风，最欣赏就系有整排火水炉同埋夜总会disco 打卡位，好有旧时香港风情，啱晒同班朋友去打卡
🥢CEO 套餐$398 / 位 (120 分钟）
非常推介食呢个餐因为可以任食4款手切牛肉部位，同一款西班牙黑毛猪，平时出面食一碟都唔平，真系可以疯任食系幸福嘅
🥢前菜
共有三款，包括椒盐烧卖，脆皮午餐肉，盐酥鸡， 全部即炸脆卜卜的，最钟意系脆皮午餐肉，厚切又够脆，就咁食又得，浸落鸡煲到会变成内脆外软非常正
🥢招牌麻辣鸡煲
麻辣鸡煲鸡非常滑又够真材实料啖啖肉，麻辣鸡汁味道够香够麻辣，味道系自家调制味过，味道几有独特风味而且好浓，最钟意入面事先已加入索汤猪皮，爽弹新鲜猪肚，猪大肠，一滚起就食得
🥢锅底六选一
今日拣了招牌沙嗲汤，真系超级正，完全系我心目中要嘅嘢，够晒香浓够晒香，用来烚牛肉系完美绝配感，最尾一定要加个公仔面，食落好似沾面咁正，连汤都想饮晒佢
👉🏻 招牌浓郁沙嗲汤锅
👉🏻 特浓皮蛋芫茜汤锅
👉🏻 胡椒猪肚汤
👉🏻 麻辣蕃茄汤锅
👉🏻 麻辣鸭血汤锅
👉🏻 养生野菌汤锅
🥢任食手切牛肉
惊喜的牛肉质素同平时出面散叫一样，每碟牛都系即点即切，食落好有牛肉香，最钟意嘅系一定要食极上小牛排，油花平均甘香，入口牛肉味香浓又软熟，同沙嗲汤底非常夹
👉🏻手切安格斯三角牛肩肉
👉🏻手切壳饲牛板腱
👉🏻手切极上小牛排
👉🏻手切极品封门柳
👉🏻西班牙黑毛猪
🥢超特价海鲜+$68
今日追加了海虎虾及北海道帆立贝，海虎虾大大只虾味特浓而且虾肉爽弹，帆立贝鲜甜美味
🥢另外仲有多款火锅配料俾你打边炉，推荐紫菜响铃，浸一下就食得吸晒啲沙嗲汁，水鱿鱼，变咗超惹味沙嗲鱿鱼，手包云吞，系店家每日即包，皮薄够滑馅够新鲜，最后一定要加个公仔面，吸晒所有汤底精华，自制一个新鲜沙牛面
🥢饮品
雪柜入面有多款汽水，同特式饮品梳打，另外如果钟意饮酒可以+$68/ 位 , 任饮威士忌梳打，几款果味烧酎梳打，Mojito, 生啤，同朋友可以饮到爽
🥢甜品
估唔到我沉醉紧呢一个沙嗲汤底嘅时候，店员话仲有甜品一定要试吓，喺自家制嘅仙草芋圆，就算有几饱都要试，芋圆好有弹性，店家仲要自己整仙草，口感滑到癫，无落甜味，甜味来自红豆的甜，仲有蒟蒻增加口感
🥢非常欣赏呢间火锅店，由装修门面嘅香港风，到菜品设计，前菜，火锅汤底及火锅配料都好用心去做，连甜品都系自家制作，每样都会食得出店家嘅心思，每样都非常出色美味，完全系平时出面散叫嘅火锅味道，一个价钱就已经食到咁高质嘅鸡煲火锅，平时出面叫一碟牛已经几几百蚊，所以呢到真心好抵食好食，难怪可以吸引到日本舞团 Avantgardey 来食饭打卡，第时可以有多一个地方可以带外地朋友嚟呢到打边炉了
📍 火水炉冰室火锅
旺角烟厂街33号朗廷轩1楼
张贴
