蘇哥清湯腩

营业中

休息中

发现咗新开嘅苏哥清汤腩，之前食过清汤崩沙腩真系非常好味，有一层厚薄刚刚好嘅筋膜，煮到非常非常之软腍，完全唔需要用力咬，几乎系入口即化，而牛肉亦都炖得非常之嫩，就算牙齿唔好嘅人食好多块都冇问题呀！我成日都心心念念呢度嘅崩沙腩，今日下午茶时间经过，想试吓唔同口味嘅汤底。另一半叫咗牛腩担担面，牛腩都几腍嘅，但系就冇崩沙腩脂肪比例咁多，所以会比较柴一啲啲，但系都系腍嘅唔难咬，我又忍唔住叫咗咖喱崩沙腩伊面，我一开始以为系捞面，原来佢系汤伊面，再另加一碗咖喱薯仔崩沙腩俾我哋。咖喱微微辣，里面有几嚿崩沙腩，但系似乎冇嗌清汤腩嘅时候咁多块，而且切得比较不规则，筋膜同肉近乎已经分离嘅状态，唔知点解今次崩沙腩同牛腩嘅分别好似唔大，崩沙腩亦有少少柴。今次水准冇第一次食咁好，唔知系唔系因为下午茶嘅关系呢？下次我都系叫返清汤崩沙腩，呢个真系我至爱呀。