Al Dente (已結業)

同旧同事黎呢间食晏，一路都对佢嘅意粉念念不忘😛首先上咗面包，佢嘅面包系非一般嘅面包，有少少似蛋糕。而且佢个表皮系脆口，超好食！中间系软熟。加埋黑醋同橄榄油食好好食，好香。然后上咗个蘑菇汤，佢系打烂咗啲蘑菇去做一个汤，所以一路饮都会食到一啲蘑菇粒。味道有少少淡。佢午餐有包一个沙律同甜品或饮品，我就拣咗Caesar salad。沙律嘅份量都几多（唔记得影相）是日pasta of the day is vegetable pasta! 意粉嘅口感几好，不过佢个汁就略嫌咸得滞，我哋有食意粉嘅朋友全部都忍唔住要加水沟淡个汁。如果唔系真系太咸食唔到好多。加咗水沟淡左之后都OK。份量都唔少我最后都系食唔晒。上甜品。唔知点解只碟系热嘅，但系蛋糕同雪糕都系冻嘅，搞到个雪糕非常之快就溶。不过tiramisu嘅味道都唔错。