影片
更多
2022-06-21
578 浏览
🌟7E 咖哩王（尖沙咀）🌟利申： 我对印度菜不算得上系好熟悉，但系对印度菜情有独钟，以前做印度机嘅时候差唔多一个月一班印度机，就会自己鼠出去食印度菜。我记得系疫情前呢间系重庆大厦内风摩一时既印度餐厅，餐厅内络亦不绝，纵然餐厅位置非常难揾，而且重庆大厦地方复杂，仍然经常满座，可想言之当时有几受欢迎。 今日鸣谢朋友陪心血来潮既我食印度野，同埋借左只靓手比我做手模，因为身边真系冇咩人钟意印度菜。今日重游旧地，此情不再了，明明系星期日嘅夜晚，但系餐厅竟然得两枱客。 餐厅装修简陋，但胜在菜色选择颇多，而且好多都啱香港人口味，唔会太重香料或者太辣。 我哋拣咗个招牌 chicken Makkhani( 奶油鸡），一个沙律，仲有Butter Naan(印度牛油烤饼）,Chicken Tikka(炭烧鸡球）,饮品方面叫咗杯mango lassi，仲有Masala Tea。讲真，今日嘅菜式只有奶油鸡同埋牛油烤饼达到水平，其他嘅菜式有待改进。而且店员虽然识得讲广东话同埋几靓仔😆，但系介绍错晒啲菜式🤦（睇埋落去就知咩事） 仲要前菜papadams(胡椒饼） 都冇畀到我哋,认真嬲左。 🌟Masala Tea($
利申： 我对印度菜不算得上系好熟悉，但系对印度菜情有独钟，以前做印度机嘅时候差唔多一个月一班印度机，就会自己鼠出去食印度菜。
我记得系疫情前呢间系重庆大厦内风摩一时既印度餐厅，餐厅内络亦不绝，纵然餐厅位置非常难揾，而且重庆大厦地方复杂，仍然经常满座，可想言之当时有几受欢迎。 今日鸣谢朋友陪心血来潮既我食印度野，同埋借左只靓手比我做手模，因为身边真系冇咩人钟意印度菜。
今日重游旧地，此情不再了，明明系星期日嘅夜晚，但系餐厅竟然得两枱客。 餐厅装修简陋，但胜在菜色选择颇多，而且好多都啱香港人口味，唔会太重香料或者太辣。 我哋拣咗个招牌 chicken Makkhani( 奶油鸡），一个沙律，仲有Butter Naan(印度牛油烤饼）,Chicken Tikka(炭烧鸡球）,饮品方面叫咗杯mango lassi，仲有Masala Tea。讲真，今日嘅菜式只有奶油鸡同埋牛油烤饼达到水平，其他嘅菜式有待改进。而且店员虽然识得讲广东话同埋几靓仔😆，但系介绍错晒啲菜式🤦（睇埋落去就知咩事） 仲要前菜papadams(胡椒饼） 都冇畀到我哋,认真嬲左。
🌟Masala Tea($20)🌟
71 浏览
0 赞好
0 留言
Masala tea 系印度风味嘅拉茶，个人认为呢一杯masala tea偏贵,因为饮得出佢嘅Masala 味道比较淡，比较水，无咩惊喜。而且有个小插曲，我问店员呢度嘅香料拉茶系用杯装定系茶壶，之后佢就话系teapot。点知尼到系一杯细细杯咖啡杯😅有少少失望太细杯。
🌟Mango Lassi ($39) 🌟
54 浏览
0 赞好
0 留言
杯芒果乳酪沙冰，完全饮唔出饮乳酪味道，味道好淡，好似沟咗好多水。失望。 而且都系好细杯。
🌟Chicken Tikka ($105/5pieces)🌟
56 浏览
0 赞好
0 留言
35 浏览
0 赞好
0 留言
呢盘炭烧鸡球正常发挥,明明记得上次过尼，啲炭烧味道好浓好惹味，但系今次冇咩炭烧味道，火候唔够。同埋肉质方面，冇咩肉汁，啲鸡又有啲鞋。而且靓仔店员明明讲话冇跟沙律，点知𠮶度都有好多沙律，呃左我叫多碟沙律食。
🌟Chicken Makhani ($86)🌟
29 浏览
0 赞好
0 留言
另一碟又系好迷你嘅奶油鸡，但系话晒系招牌菜，味道终于无令我失望。奶油鸡系加咗好多creamy嘅椰汁同埋蕃茄酱同传统印度咖哩香料整成嘅酱汁。甜甜辣辣咖哩又有奶油香，真系受唔住诱惑🤤🤤我哋为咗食晒佢𠮶酱汁仲点咗两盘烤饼。但系食食下入面嘅鸡肉先发现有啲似炭烧鸡球嘅鸡肉，所以我一直怀疑其实餐厅系咪一鸡十几味🤣🤣
系啦，同埋请注意， 烤饼要分开叫嘅，唔好以为系套餐。
🌟Butter Nann($27)🌟
27 浏览
0 赞好
0 留言
呢个牛油烤饼真系整得超好食，同个奶油鸡系绝配。个烤饼好食嘅原因系外面脆卜卜，不失牛油香，同埋够厚有质感，上枱嘅时候仲热辣辣嘅。尼到一定要叫呢一碟又香又脆嘅烤饼🤤
其实我平时唔钟意食nann，因为嫌佢太厚身，反而会叫一只叫Paratha嘅千层饼，但奇怪地，呢度嘅千层饼竟然同我想像中嘅有出入，比想像中嘅冇咁脆。
整体而言，呢度嘅印度菜唔算太正宗，但系几啱香港人口味而且选择好多，但系地方比较简陋如果你同伴侣约会最好就唔好过嚟啦。而且食物质素普普通通，又或者可能我对佢嘅期望太高喇。其实重庆大厦里面都有好多值得试嘅餐厅，成千万间餐厅，有机会再帮大家试试😅
同埋其实重庆大厦系一个好有趣嘅地方，入面充满著印度人同黑人同菲律宾人，好多唔同种族嘅人，彷佛去咗一个唔同嘅世界。而且里面会买到一啲普通市场唔会买到嘅嘢，得闲拍短片畀大家睇。
虽然食物比较细分,但系有openrice折扣价钱都几实惠,人均大约$125左右
张贴
