影片
更多
2012-01-11
522 浏览
寻日(10-1-2012 Tue)终于拉到爸爸同我同男友o黎太平馆食饭,为o既系驰名干炒牛河,瑞士鸡翼同梳乎厘.我book o左枱,佢o地先到,我就放o左工赶过o黎.咁男友就先点$368.00o既招牌二人套餐同$108.00o既梳乎厘.招牌二人套餐拣o左海龙皇汤.同上次09年10月31日食o既一样,龙虾味好浓,但鲜虾肉冇之前咁多,而且冇o左鱼块,L不过爸爸话咸,我纠正返佢唔系咸.味道: 4.8分餐包亦同上次一样,冇唔同.味道: 4分干炒牛河唔大碟,每条河粉都好深色,食吓先,大大件牛肉好软熟,好入味,食到河粉有豉油o既咸味.谂返起以前细细个食o既干炒牛河,牛肉唔会咁软熟,河粉都唔会上晒色,亦唔系好够味.味道: 4分烟肉炒杂菜虽然话有烟肉炒,但一啲都唔惹味,只食到杂菜o既原味.味道: 2.7分同瑞士鸡翼(6只),但因禽流感冇活鸡供应,而太平馆坚持唔用雪藏鸡翼,所以冇得食,只可以食烧乳鸽1只.我同男友食上截,迫爸爸食晒下半只,鸽胸有好多肉,呢个唔算好入味.味道: 3.5分男友觉得可以加多一样,佢就拣o左又系驰名,$135.00o既砵酒烩鲜牛尾呢个同样唔大碟,牛尾好腍有牛o既膻味,男友赞好食.
咁男友就先点$368.00o既招牌二人套餐同$108.00o既梳乎厘.
招牌二人套餐拣o左海龙皇汤.
同上次09年10月31日食o既一样,龙虾味好浓,但鲜虾肉冇之前咁多,而且冇o左鱼块,L不过爸爸话咸,我纠正返佢唔系咸.味道: 4.8分
餐包
亦同上次一样,冇唔同.味道: 4分
干炒牛河
唔大碟,每条河粉都好深色,食吓先,大大件牛肉好软熟,好入味,食到河粉有豉油o既咸味.谂返起以前细细个食o既干炒牛河,牛肉唔会咁软熟,河粉都唔会上晒色,亦唔系好够味.味道: 4分
烟肉炒杂菜
虽然话有烟肉炒,但一啲都唔惹味,只食到杂菜o既原味.味道: 2.7分
同瑞士鸡翼(6只),但因禽流感冇活鸡供应,而太平馆坚持唔用雪藏鸡翼,所以冇得食,只可以食烧乳鸽1只.
我同男友食上截,迫爸爸食晒下半只,鸽胸有好多肉,呢个唔算好入味.味道: 3.5分
男友觉得可以加多一样,佢就拣o左又系驰名,$135.00o既砵酒烩鲜牛尾
呢个同样唔大碟,牛尾好腍有牛o既膻味,男友赞好食.不过伴碟o既薯仔唔够腍.味道: 3.5分
而男友又觉得我爸爸无饭不欢,所以都叫一个白饭,侍应话系碟庄,唔系一碗,咁我话咁要一碟啦.
白饭又唔系好大碟,爸爸多数加入烧乳鸽o既瑞士汁o黎食.我觉得白饭唔太软熟.而埋单至见到原来白饭系$10.00.
味道: 2.8分
PS: 但我o地食完晒o野,我睇到另一枱客o既大碟过我o地好多.
最后梳乎厘到o黎,呢个虽然重系用大玻璃盘焗制,
但感觉细o左,冇之前咁大.味道同口感就一样,不过今次呢个焗得好啲,冇上次食到有啲变o左蛋糕o既质地.
味道: 4分最后系餐里面o既西饼甜品,
亦都一样系70年代o个只,味道都一样.味道: 3分
餐饮就畀o左爸爸同男友饮,爸爸要热柠水,男友要热柠茶,爸爸一饮就要挑走柠檬,因为涩.
服务:
我一坐低,一位好老o既侍应递本menu畀我,我话已经落o左单,佢答我o地只系叫个2人餐,问我使唔使加o野我知佢系善意,就问佢系咪怕我o地唔够食佢答唔系,只系帮我就返时间,加o左单梳乎厘最后至到.
啊,我答冇问题,我o地调转次序o黎食都得.J
不过o系走o既时侯,我觉得有个后生o既服务麻麻,爸爸同男友至讲,个好老o既侍应因为老板唔会炒佢o地,所以好寸.我问咩事啊佢o地话我未到时,佢o地落单话要瑞士鸡翼,个侍应就话:’你o地头先听唔到我同后面张枱讲冇鸡翼咩’爸爸话佢想话佢o架喇,不过最后都冇讲到.
男友同我讲可能佢同好多围枱讲,讲得多所以觉得烦,咁叫老板写张纸摆o系张枱o度嘛.
环境:
由于爸爸佢o地先o黎,所以好少人,侍应问佢o地想坐边张枱,爸爸竟然嫌卡位窄而拣o左张长方枱,但张枱被冷气机吹正,佢同我都冻,佢食完o野未等埋单就出去企.
价钱: o衣o家睇返张单再同上次食评o既比较吓,哗!二人餐加o左一成六,原来鲜虾沙律改成烟三文鱼鲜虾沙律,同加o左一个烟肉炒杂菜.
第一次o黎o既食评: http://www.openrice.com/restaurant/commentdetail.htm?commentid=2040376
张贴
