泰式燒王2

营业中

休息中

经过九龙城，买了外卖，15分钟内用保温袋带回到家食，食物保持温度，不会因外卖而影响今次对味道的判断。马拉盏炒菜: 好多水，唔香，食唔到东南亚炒菜风味Pad Thai：完全唔似系金边粉(反而似台湾面线），食唔到泰式风味, 系冇乜味，只系用辣粉加辣加味，花生碎系「益」味嘅。喺香港都好难揾到啲咁差嘅Pad Thai. 泰式青咖喱鸡：系青色的，但系冇香味，瞌埋眼食系食唔出系青咖喱嚟，但眼看材料几丰富，奇怪。海南鸡饭：啲鸡又鞋又冇味，个黄饭唔香不特止，仲有啲化学味，另上酱料亦都怪怪味的。已上一切属实，唔信大家可以帮衬试吓平反。我买嘅时候仲专登望吓个商业登记，系泰文名，搞到好有信心，充满期待，点知⋯大大话话食咗几十年泰国菜，现时九龙城的泰菜已经冇以前出品咁稳定，要专登去九龙城揾泰菜食嘅年代，相信都过去啦。都明白依家做饮食业好难，铺租人工又贵，竞争又大，啲客要求越来越高⋯⋯作为香港人真系有啲矛盾，写得差，又话唔包容，但今次真系不吐不快，冇一样嘢系合格。