肥公車仔麵 (已結業)

今日下午一点钟，个肚饿到似穿窿，去完银行去肥公，离远望见有人龙，急步上前排队中。各式粉面，$7一份，𩠌就主要分$7及$10，叫了炸鱼皮、鱼皮饺、鲮鱼肉及墨鱼腐皮卷，加埋一杯豆浆，承惠$48。炸鱼皮，唔脆。墨鱼腐皮卷，质感怪怪，食落好多粉浆，虽然食到有墨鱼粒，但完无墨鱼胶嘅质感，每一口都只有一团粉。鱼皮饺，$10有3粒，大大粒，弹牙，美中不足系可能天气热，食品长期暴露空气中，食落有好轻微嘅异味，但真系算唔错。鲮鱼肉，系今之叫嘅4款𩠌之中，最有惊喜，虽然整到好似街边车仔档食生菜鱼肉𠮶啲咁细粒，但胜份量多之余仲食得出有鱼味，绝对唔系车仔档𠮶啲粉浆多过鱼可比。豆浆味道一般，豆味唔太浓，但胜在唔太甜，加上只系$7一杯，你仲想点？4𩠌一河，连豆浆都只系$48，咁嘅价钱，咁嘅质量，食到饱一饱，绝对绝对收货无投诉。