亞坤 (已結業)

今日行开尖沙咀，突然想食咖椰多，好邪地脑中想起好多负评的亚坤，又见到冇乜人但门口整条排队带，心想而家唔使排队唔试试等几时？于是昂首进入店舖，期待美食但却是恶梦的开始...先找了个好位置，然后排队购买食物，点了咖椰西多、马拉捞面、柠檬薏米及冻鸯。好快个面来了，个汁味道单调，只有甜味没有花生香味又没有期待的马拉香料味，衰过7仔的味精捞面。之后20分钟d嘢食都仲未嚟，追了两次先话漏单。又等了8分钟，个咖椰多来了，得一片薄薄方包加一兜绿色酱，个酱只有甜味，西多无蛋香，油Lum Lum, 真系好L难食。唯一饮得落嘅系柠檬薏米水，因为起码我喺杯度都揾得返柠檬及少量薏米。杯冻鸯我追多次后到了，个女仔放落枱时话冻啡，我话我叫冻鸯，佢攞返水吧再攞返同一杯嚟话搅错咗，话冻鸯先真，见佢一脸纯真，信佢一啖饮落去，全啡一d茶味都无，当人味蕾有问题。全程店舖经理系咁闹店面女仔。我心谂算喇，跌$算喇。坦白讲，亚坤只是屋村快餐店味道，但标名牌茶记价钱，小学鸡服务质素，完全没有能力在香港立足。如果佢仲可以撑多一年我会日日去食食足一个月来惩罚自己。