東海酒家 (已結業)

平心而论，呢间东海酒家比起以前真系差好远。以前好食，服务好，有水准。今时今日佢哋嘅管理真系大不如前。不过今晚来晚饭，又发现佢哋OK返dd~ 有位经理服务都唔错，楼面比早上𠮶啲阿姐OK～ 因为妈妈唔食大闸蟹，但系原来佢嘅大闸蟹餐可以叫一人，唔会迫你要两位起。所以我就可以自己叫一个餐，妈妈就叫咗个鲍鱼鹅掌煲，咁样食法，感觉几良好㖞！每次见到呢只碟感觉都几开心。包一杯红酒。呢个羹冇乜特别～蟹粉小笼包，唔觉得好多蟹粉，不过都有啲汤喺入边，合格！其中一只特别多膏，两只size唔细～茄汁煎大虾，够大只！呢个糯米饭都几松软，唔会硬骨骨食唔落𠮶啲～姜汁芝麻汤圆～ 劲辣！有四只鲍鱼，鹅掌都大只～味道良好！总括来讲，系满意嘅。但系我早上平时嚟饮茶，服务同食物都真系很一般…. 希望管理层真系留意吓，个品牌做咗咁多年，讲起食大闸蟹就会谂起东海同埋另一间，无谓嘥咗个本来做得几好嘅品牌啊…… 鲗鱼涌已经唔多酒楼，做好啲，街坊都会继续支持！备注：个套餐仲有一个蒜片牛粒，几好食，不过唔知只系比我摆12张相，所以就冇相了。