影片
更多
2023-01-24
2502 浏览
平常去宅渡假都喺晌酒店，包一餐或两餐，但今次入到嚟东涌，仲要喺凤凰山山脚下村落中嘅民宿「城市绿洲」，唔包食，所以，早晚两餐都要自己搞掂。虽然，可以借用民宿厨房，但得我哋两公婆，就费事搞，故此一早已打算食埋晚餐先入民宿。而最近民宿就喺「满东邨」，完全喺好随意揾咗「八方云集」。话随意，其实都有少少偏向，皆因锅贴、饺子都喺老婆钟意嘅菜式，投其所好，就变得顺理成章，况且，我哋都好耐未食过「八方云集」啦。对正入口，喺收银处同厨房，而入到去，堂食嘅地方都几大，仲好阔落吓，光猛企理。晌收银旁，就一大块食物牌列晒所有煎式，由锅贴、水饺、汤品、台式面、台式美食，到各式各样台式饮品。当然，唔少得锅贴套餐、水饺套餐、双拼套餐等等，定价亲民。落好单，等嗌号码，之后，自己出厨房柜面攞。见柜面前摆咗张枱，有唔少外卖单。而枱上备有简单嘅调味料，以及即弃餐具，自由取用。韭菜水饺餐（4号餐） $42 老婆一向都几钟意食水饺，所以就拣咗款水饺餐，韭菜亦喺佢「飞弗」，毫无悬念就喺呢款。一客有10只，只只大粒又饱满，确喺好够份量，皮薄烟韧有咬口，而韭菜都刴得细碎，食落又够晒菜汁，沾少少醋，食味更佳！另外，仲包汤品或$17元以
话随意，其实都有少少偏向，皆因锅贴、饺子都喺老婆钟意嘅菜式，投其所好，就变得顺理成章，况且，我哋都好耐未食过「八方云集」啦。对正入口，喺收银处同厨房，而入到去，堂食嘅地方都几大，仲好阔落吓，光猛企理。
晌收银旁，就一大块食物牌列晒所有煎式，由锅贴、水饺、汤品、台式面、台式美食，到各式各样台式饮品。当然，唔少得锅贴套餐、水饺套餐、双拼套餐等等，定价亲民。
落好单，等嗌号码，之后，自己出厨房柜面攞。见柜面前摆咗张枱，有唔少外卖单。
而枱上备有简单嘅调味料，以及即弃餐具，自由取用。
韭菜水饺餐（4号餐） $42 老婆一向都几钟意食水饺，所以就拣咗款水饺餐，韭菜亦喺佢「飞弗」，毫无悬念就喺呢款。一客有10只，只只大粒又饱满，确喺好够份量，皮薄烟韧有咬口，而韭菜都刴得细碎，食落又够晒菜汁，沾少少醋，食味更佳！另外，仲包汤品或$17元以下饮品 ，老婆想饮啲热嘢，就拣咗杯茉香绿茶，唔算话有咩惊喜，但确喺几幽香。
面线套餐（10号餐） $47 小弟多心少少，就拣款双拼套餐：面线搭锅贴（或水饺），前者可以选台湾面线或肉羹面线 ，后者就可以任拣一款口味，再包一杯珍珠奶茶，转配正价$16以上饮品或汤品补番差价就可以喇，所以，弹性都几大。
面线要咗台湾面线，其实碗面线都几大兜吓，有唔少大肠同肉丸，啲大肠冲洗得干净，唔会一阵阵猪臊味，咬落亦唔觉好肥，汤头几香浓，口感又唔会好稀，伴以芫荽，又混有少少木耳丝，而面线入口好滑溜，的确不俗，最怕啲面线煮到好软烂。
既然老婆拣咗水饺，咁我就当然选锅贴啦，一客6只，只只包成长条型，口味方面就拣招牌口味，即喺椰菜搭猪肉。锅贴煎得啱啱好，唔会过㶶，底下焦香脆卜卜，入口热焫焫，里面嘅猪肉做得好松化，富肉汁。
一向都几好珍珠奶茶，所以，就唔需要转款。虽然喺跟餐，但奶茶大大杯，茶味比预期中好㖞，香得嚟唔会觉得好单薄，加上唔太甜，又唔太冻，更加啱饮，而珍珠亦唔错，烟烟韧韧，最怕煮得过腍嘅珍珠，难食兼黐埋一嚿嚿！
唔使一嚿，两个人食到饱饱，真喺比去茶记抵。跟住摸黑入民宿，加上落毛毛雨，但都不减我哋游乐嘅兴致！
张贴
