南小館 (已結業)

今次又再同屋企人去南小馆食晚饭，8点入到去都好少食客，坐低后随即睇餐牌，今次照旧叫咗一碟四喜烤麸、一个花雕白鸡、鸡丝粉皮、上海炸猪排、鲜肉小笼包(5件)两份，另外叫咗黑松露素鸭、4条风沙小黄鱼、特式松子鱼、上海粗炒及黑松露炒饭。上菜时间快，职员亦不停地帮我哋加荞麦茶，食物水准味道依旧不过不失，不过鸡丝粉皮嘅鸡丝就比之前少咗，烤麸略咸，炸猪排今次炸得靓过之前，又香又好食，仲有家人喜欢食风沙小黄鱼，而我就觉得特式松子鱼，啲汁甜甜哋，食落啲鱼肉好滑，比较好味啲，至于黑松露炒饭睇落一般，但入口又唔错㖞，反而粗炒就真系一般。大约食到九点，以为就快收工，因为职员态度明显松懈，完全无再理会食客，只挂住推埋企近门口位讲笑，无再帮食客加茶，我哋亦食到9点半就埋单。总结：食物、价钱、环境都算不错。