黑布小巷 (木蘭苑) (已結業)

当年「黑布小巷」仲喺旺角嘅时候，我成日帮衬。不过搬舖后位置无咁方便，就有一排无食。最近得知炮台山开咗分店，嚟开附近就可以重拾旧味☺️。炮台山系外卖店🥡，位置同样系喺小巷内。但唔知系咪新开张嘅关系，呢度无芋圆卖，有啲可惜。另外，今日炸炉亦都坏咗，无得嗌小食🙈。食物定价唔贵，份量都OK，味道富台湾风情🇹🇼。古早味手工卤肉饭($38)，🍚卤肉饭采用传统台式做法，卤水味恰到好处，唔会过重口味。以猪腩肉制成嘅卤肉粒好邪恶，肥膏位慢煮至入口即溶，幸好有酸萝卜解腻。饭底用上珍珠米，粒粒分明，估唔到睇落细细碗，食起嚟都几多。麻辣鬼椒鸡腿芝士蛋吐司($55)，🍞吐司卖相超吸引，兼且好足料。面包烘至金黄色，但始终多酱，偏湿少少，所以唔算好脆。酱汁骤眼睇只觉得有瀑布芝士同流心蛋🧀，点知中间蕴含咗麻辣味，而且辣度唔讲得笑，不过好惹味啊🌶，令人又爱又恨。唔食得辣嘅都可以放心，因为佢有原味可选。麻辣鬼椒肉蛋芝士吐司($55)，吐司有两款肉馅可拣，分别系香煎美国大草原谷饲猪扒🐷同烤嫩滑鸡腿🐔。我认为鸡扒比较好食，因为厚身啲同埋肉质嫩滑啲。饮品方面🥤，嗌饭同多士可享套餐优惠价，我哋要咗自家煲制冬瓜茶(+$8)同桂花乌龙