影片
更多
2013-09-07
418 浏览
好耐无喺西湾河晚餐，今日心血来潮去叹Tapas。刚见其他评语，厌细份厌唔够食，我想作出平反！大家要知道，Tapas其实好似食点心，唔系茶记碟头饭，唔会系大大份，Tapas系要细味品尝。因之前住得近，我哋嚟过Tapeo无数次，食物好，环境好，服务好，而且好浪漫，对住个海，好诗意！今日订咗6点枱，我哋一向早食饭，怕人多怕嘈怕等位，6点刚好黄昏，个景好正，有三、四张枱，所以好休闲，可以慢慢叹。Tapeo最大惊喜系墙上special，次次新款，而且材料系季节性，所以我哋通常会试special。先叫嘢饮再加个Cold Meat Platter同面包，食住头盘先，Cold Meat Platter有5款西班牙火腿，味道好醒胃，唯独Parma Ham 过喊，其余送暖暖面包一流。主菜决定叫两个墙上special加一个薯仔粒Patatas Bravas，special之一系Sea bass配Gazpacho汁，即鲈鱼配冻蕃茄汁，味道充满惊喜，鱼鲜味配上蕃茄甜酸加少许garlic味，简直喺口中放烟花，大爱！另一special系矮瓜配羊醉肉加杏仁saffron汁，矮瓜好入味，羊肉唔so，虽然味道无鲈鱼咁刺激
好耐无喺西湾河晚餐，今日心血来潮去叹Tapas。刚见其他评语，厌细份厌唔够食，我想作出平反！大家要知道，Tapas其实好似食点心，唔系茶记碟头饭，唔会系大大份，Tapas系要细味品尝。
因之前住得近，我哋嚟过Tapeo无数次，食物好，环境好，服务好，而且好浪漫，对住个海，好诗意！
今日订咗6点枱，我哋一向早食饭，怕人多怕嘈怕等位，6点刚好黄昏，个景好正，有三、四张枱，所以好休闲，可以慢慢叹。
Tapeo最大惊喜系墙上special，次次新款，而且材料系季节性，所以我哋通常会试special。
先叫嘢饮再加个Cold Meat Platter同面包，食住头盘先，Cold Meat Platter有5款西班牙火腿，味道好醒胃，唯独Parma Ham 过喊，其余送暖暖面包一流。
主菜决定叫两个墙上special加一个薯仔粒Patatas Bravas，special之一系Sea bass配Gazpacho汁，即鲈鱼配冻蕃茄汁，味道充满惊喜，鱼鲜味配上蕃茄甜酸加少许garlic味，简直喺口中放烟花，大爱！
另一special系矮瓜配羊醉肉加杏仁saffron汁，矮瓜好入味，羊肉唔so，虽然味道无鲈鱼咁刺激，不过亦相当有特色。
薯仔粒Patatas Bravas系我哋必叫之选，个辣酱好野味，薯仔够香脆，正。
最后，再加个Tomato Goat Cheese Salad，亦系我哋最爱，蕃茄香甜，酸酸甜甜配山羊芝士，真系好醒胃。
服务一向好friendly，一食完有人收碟，唔会过份attentive，个个有笑容，有10%服务费亦值得。
只要大家抱住open mind去尝试，如果唔知份量，先叫两三个，一路食一路叫，慢慢relax去享受Tapas就明白过中乐趣。Enjoy!
Tapeo: You guys are great and food is brilliant!!! Just keep it up and we will be back! ;-)
张贴
