鼎泰豐

营业中

休息中

鼎泰丰系我间唔中就想食嘅餐厅，每次都必点几款食物。铜锣湾店通常都唔使等位，今次晚餐时间都系直入。食过咁多间小笼包，偏好皮薄多汁，始终最钟意都系鼎泰丰嘅，一笼六粒，一贯水准稳定，必食。第二样必点嘅就系葱油拌面，系我嘅最爱，葱油好香亦唔会太咸，面爽口弹牙。暂时未揾到另外一间好食嘅葱油拌面。另一个系我男友必点嘅-就系肉排炒饭，蛋炒饭非常出色粒粒分明，而肉排我就觉得普通。今次试埋红油抄手，正常水准，比较柔和嘅辣，冇太大惊喜。鼎泰丰嘅服务好似冇以前咁好或者细心，但整体餐饮体验仍然唔错。不过今次价钱有调整，食物质素虽然好，确实小贵。