大自然素食

营业中

休息中

今日再次到访大自然素食，仍然系下午茶时段光顾，都系依旧因为觉得佢下午茶有五折嘅折扣好抵食啦今日点左蜜汁叉烧王，同埋芝士海鲜焗饭。蜜汁叉烧王份量都算唔少架，而且佢嘅外貌做得真系同真嘅叉烧非常相似，蜜味都算重败笔嘅就系佢嘅质感，第一啖咬入口嘅时候，觉得自己系食紧一旧好肥好油嘅叉烧如果佢可以做到半肥瘦，咁就更加好啦。芝士海鲜焗饭与其话佢系芝士海鲜焗饭，我谂不如叫佢做白汁海鲜焗饭会更加贴题芝士味唔算突出，反而食到明显嘅白汁味。焗饭里面嘅海鲜有带子虾同埋鱼，外貌上的确系同真嘅海鲜相当相似但系呢三种海鲜咬落去嘅口感系一致，无分别，系爽口弹牙。就呢两个𩠌菜来讲，我觉得当中嘅伴碟菜系非常抵赞因为一般嘅伴碟蔬菜俾人嘅感觉都真系只系伴碟，得个伴字，并不是秀色可餐。但系呢度嘅伴碟蔬菜，食得出系非常新鲜，而且翠绿，令人开胃，抵赞。